චීනයේ රැකියා විරහිත අනුපාතය අනිත් පැත්තට හැරෙයි

චීනයේ නාගරික ප්‍රදේශවල (විශ්ව විද්‍යාල සිසුන් හැර) වයස අවුරුදු 30ට අඩු අයගේ රැකියා විරහිත අනුපාතය පසුගිය මාර්තු මාසයේදී ඉහළ ගිය බව ජාතික සංඛ්‍යාලේඛන කාර්යාංශයේ දත්ත පෙන්වා දෙනවා.

සමීක්ෂණය කරන ලද ලාබාලතම කොටසේ, වයස අවුරුදු 16 ත් 24 ත් අතර පුද්ගලයින් අතර, රැකියා විරහිත අනුපාතය මාසයකට පෙර 16.1% සිට 16.9% දක්වා ඉහළ ගොස් ඇති අතර එය පසුගිය වසරේ සැප්තැම්බර් මාසයේ ආරම්භ වූ පහළ යාමේ ප්‍රවණතාව ආපසු හරවා තිබෙනවා.

සිසුන් හැර, වයස අවුරුදු 25-29 අතර පුද්ගලයින් අතර, විරැකියා අනුපාතය පෙබරවාරි මාසයේ 7.2% සිට 7.7% දක්වා ඉහළ ගොස් තිබෙනවා.

වයස අවුරුදු 30-59 අතර කොටසේ, රැකියා විරහිත අනුපාතය මාසයකට පෙර 4.2% සිට 4.3% දක්වා සුළු වශයෙන් ඉහළ ගොස් ඇතැයි සංඛ්‍යාලේඛනවල සඳහන්.