කොළඹ වරායෙන් බහාලුම් 323ක් පරීක්ෂා කිරීමකින් තොරව තොරව නිදහස් කිරීම සම්බන්ධයෙන් සොයාබැලීමට විශේෂ කාරක සභාවක් පත්කිරීම සඳහා වන යෝජනාවක් කතානායක වෛද්ය ජගත් වික්රමරත්න වෙත බැහැර දී තිබෙනවා.
විපක්ෂයේ මන්ත්රීවරුන් පිරිසක් විසින් අද (07) දින පාර්ලිමේන්තුවේ කතානායක කාර්යාලයේ දී අදාළ යෝජනාව භාර දී තිබුණා.
මේ අවස්ථාවට සමගි ජන බලවේගයේ මහ ලේකම් රංජිත් මදුමබණ්ඩාර, විපක්ෂයේ ප්රධාන සංවිධායක ගයන්ත කරුණාතිලක, පාර්ලිමේන්තු මන්ත්රීවරුන්වන කවින්ද ජයවර්ධන හර්ෂණ රාජකරුණා ජේ.සි අලවතුවල සහ ඩී.වී චානක යන අය සහභාගීව සිටියා.
රේගු නිලධාරීන්ගේ සංගමය බහාලුම් නිදහස් කිරීමේ අක්රමික ස්වරූපය සැලකිල්ලට ගනිමින් මෙම බහාලුම්වල අන්තර්ගතය පිළිබඳව තමන් හට වගකීම භාරගත නොහැකි බව ප්රසිද්ධියේ ප්රකාශ කර ඇති බැවින්, එම බහාලුම්වලින් මත්ද්රව්ය ආයුධ හෝ වෙනත් තහනම් ද්රව්ය මෙරටට ගෙනවිත් තිබිය හැකි බවට පාර්ලිමේන්තුවේදී මෙන්ම වගකිවයුතු බලධාරීන් බරපතළ චෝදනා එල්ල කර ඇති බැවින්, මෙය ජාතික ආරක්ෂාව හා සම්බන්ධ වන බැවින්, මේ සම්බන්ධයෙන් කරැණු සොයා බලා වාර්තා කිරීමට විශේෂ කාරක සභාවක් පත් කළ යුතු බවට අදාළ යෝජනාවේ සඳහන්.
