මෝටර් රථයක් ත්රීරෝද රථයක ගැටී හිඟුරක්ගොඩ දී අනතුරක්
පොළොන්නරුව, හිඟුරක්ගොඩ හතේ කණුව ප්රදේශයේ දී ඊයේ (31) රාත්රියේ මෝටර් රථයක් ත්රීරෝද රථයක ගැටී අසල වූ ඇලකට පෙරළීයාමෙන් අනතුරක් සිදුව තිබෙනවා.
මෙම අනතුරින් පුද්ගලයින් දෙදෙනෙක් සුළු තුවාල ලබා ඇති බවයි වාර්තා වුණේ.
මෝටර් රථයක්, අයිස් ක්රීම් අලෙවි කරමින් තිබූ ත්රිරෝද රථයක මෙලෙස ගැටී ඇති අතර, අනතුරුව රථ දෙකම අසල තිබූ ඇලකට පෙරළී ගොස් තිබුණා.
ඊයේ රාත්රී 8.00ට පමණ මෙම අනතුර සිදුව ඇති අතර, අනතුර සිදුවන අවස්ථාවේ මෝටර් රථය හිඟුරක්ගොඩ දෙසට හා ත්රීරෝද රථය හතේ කණුව දෙසට ධාවනය වී තිබෙනවා.
අනතුරට හේතුව මෙතෙක් අනාවරණය වී නොමැති අතර මේ පිළිබඳ වැඩිදුර පරීක්ෂණ කටයුතු හිගුරක්ගොඩ පොලීසිය විසින් සිදුකරනු ලබනවා.
