යුක්තිය මෙහෙයුම අංක 02 යටතේ මඩකලපුව නගරයේ සිදු කළ පොලිස් මෙහෙයුම්වල දී නීතිවිරෝධී මත්ද්රව්ය වෙළෙඳාම් කළ, භාවිත කළ පුද්ගලයින් 16 දෙනෙකු පොලිස් අත් අඩංගුවට ගෙන තිබෙනවා.
අප ප්රාදේශීය වාර්තාකරු පැවසුවේ; මෙම සැකකරුවන් අතර මත්ද්රව්ය සම්බන්ධ වැරදිවලට පමණක් ම පුද්ගලයින් 08 දෙනෙකු අත් අඩංගුවට ගෙන ඇති බවයි.
මෙම සැකකරුවන් අතර අයිස් මත්ද්රව්ය වෙළෙඳාමේ නිරත ව මේ වනවිට (24) රක්ෂිත බන්ධනාගාරගත කර මාස 09ක් ගතවන සැකකරුවෙකුගේ බිරිඳ ද අයිස් සමග පොලිස් මෙහෙයුමෙන් අත් අඩංගුවට ගැනුණා.
කාත්තන්කුඩි පොලිස් බල ප්රදේශයේ දී යි මෙම සැකකාරිණිය අත්අඩංගුවට ගැනුනේ.
ඇයගේ ස්වාමිපුරුෂයා ද මේ වනවිට පසුවන්නේ මඩකළපුව රක්ෂිත බන්ධනාගාරයේ යි.
මීට අමතර ව නවට්කුඩා, නොචිමුණ සහ කල්ලඩි ප්රදේශවලින් ද ලීටර් 40ක් පමණ කසිප්පු සමග සැකකරුවන් යුක්තියේ මෙහෙයුමෙන් අත් අඩංගුවට ගැනුණා.
අත්අඩංගුවට ගත් පුද්ගලයන් අද (24) මඩකලපුව මහේස්ත්රාත් අධිකරණයට ඉදිරිපත් කිරීමට නියමිතයි.
