දින 05ක කාලයක සිට පාසල් සිසුවියන් දෙදෙනකු අතුරුදන් ව ඇති බවට තොරතුරු වාර්තා වනවා.
මෙලෙස අතුරුදන් ව ඇත්තේ ත්රිකුණාමලය ප්රදේශයේ පදිංචිකාරිනියන් දෙදෙනෙක්.
ශෙනුරි කෝෂිමා සමරසේකර සහ තේවින්දි කේෂිකා යන අයයි මෙලෙස අතුරුදන් ව ඇත්තේ.
ඉන් එක් ගැහැනු දරුවෙක් ත්රිකුණාමලය උසස් බාලිකා විද්යාලයේ ඉගෙනුම ලබන වයස අවුරුදු 15ක් වන 10 ශ්රේණියේ ඉගෙනුම ලබන අයෙක් බවත් වාර්තා වනවා.
අනෙක් දැරිවිය වයස අවුරුදු 18ක් බවයි පැවසෙන්නේ.
මොවුන් දෙදෙනා හොඳම යහළුවන් බවත්; 18 හැවිරිදි දැරිය අතුරුදන් වීමට පෙර දිනයේ දී 15 හැවිරිදි දැරියගේ නිවසට පැමිණ ඇය ව ගෙන ගොස් ඇති බව අප ප්රාදේශීය වාර්තාකරු පැවසුවා.
පසුව මෙම සිදුවීම සම්බන්ධයෙන් දැරිවියන්ගේ දෙපාර්ශ්වයේ ම දෙමව්පියන් විසින් ත්රිකුණාමලය පොලිස් ස්ථානය සහ උප්පුවේලි පොලිසිය වෙත පැමිණිලි කරනු ලැබුවා.
අතුරුදන් වූවන් ත්රිකුණාමලය අභයපුර සහ සංගම ප්රදේශවල පදිංචිකාරිනියන්.
දියණියන් දෙදෙනා පිළිබඳ ව තොරතුරක් වෙතොත් දැනුම්දෙන ලෙස ද ඔවුන්ගේ දෙමාපියන් මහජනතාවගෙන් ඉල්ලීමක් සිදු කර ඇති අතර මෙම දැරිවියන් සොයා පොලිස් විමර්ශන ක්රියාත්මකයි.
