උණුසුම සහ ජලය ගැන හොයන ත්‍රිෂ්ණා

ත්‍රිෂ්ණා යනු ඉන්දු – ප්‍රංශ ඒකාබද්ධ චන්ද්‍රිකා මෙහෙයුමක්.

මෙම චන්ද්‍රිකා මෙහෙයුමේ විශේෂත්වය නම් එය අධෝරක්ත පෘථිවි චන්ද්‍රිකා මෙහෙයුමක් වීමයි.

ලොව පුරා මතුපිට උෂ්ණත්වය සහ ජල කළමනාකරණය නිරීක්ෂණය කිරීම මෙහෙයුමේ අරමුණ බව ව්‍යාපෘතිය නිවේදනය කරමින් ඉන්දීය අභ්‍යවකාශ ගවේෂණ ඒජන්සිය හෙවත් ඉස්‍රෝ පැවසුවා.

මෙම ව්‍යාපෘතිය ක්‍රියාවට නැංවෙන්නේ ඉන්දියාව මෙන්ම යුරෝපය ද දැඩි ලෙස අධික උණුසුම හේතුවෙන් පීඩාවට පත්ව ඇති අවදියකයි.

ගොඩබිමෙන් මෙන්ම ශාකවලින් ජලය වාෂ්ප වීම මැන බැලීමෙන් ඒ හරහා පෘථිවිය මත දේශගුණික බලපෑම් පිළිබඳ දත්ත ලබා ගැනීම ත්‍රිෂ්ණා මගින් සිදුවනවා.

මෙම මෙහෙයුම මගින් ජෛවගෝලයේ විවිධ ප්‍රදේශවල ජලය පැවතීම සහ සාන්ද්‍රණයන් මෙන්ම ග්ලැසියර දියවීම ඇතුළු ගතිකත්වයන්, ගොඩබිම භාවිතා වන ජලය ප්‍රමාණ කිරීම සහ කෙසේ ද යන්න අධ්‍යයනය කිරීමට හැකිවනු ඇති.

ISRO පැවසුවේ, චන්ද්‍රිකාව තාප විෂමතා සහ සීඝ්‍ර ඉහළයෑම්, ගොඩබිමෙන් තාපය විමෝචනය කිරීම, මතුපිට ශක්තිය, නාගරික තාප දූපත් සහ උණුසුම හා සම්බන්ධ අනෙකුත් ගෝලීය පරාමිතීන් නිරීක්ෂණය කරනු ඇති බවයි.

මෙම ක්‍රියාවලියේ දී, චන්ද්‍රිකාව ලොව පුරා වායුගෝලයේ ඇති ඉතා කුඩා අංශුවල විසිරීම, ජල වාෂ්ප සහ වළාකුළු ද අධ්‍යයනය කරනු ඇති.

එය දැනට වසර 5ක අපේක්ෂිත ආයුකාලය සහිතව 2025 දී දියත් කිරීමට තාවකාලිකව සැලසුම් කර ඇති බව ද ISRO පැවසුවා.

දේශගුණික විපර්යාසවල මානව හෝ මානව-ප්‍රේරිත බලපෑම් කෙරෙහි අවධානය යොමු කරමින් ත්‍රිෂ්ණ මෙහෙයුම තීරණාත්මක ජලය සහ ආහාර සුරක්ෂිතතා අභියෝගයන්ට ආමන්ත්‍රණය කරන බව ISRO පවසනවා.