ඇමරිකානු ශ්රේෂ්ඨාධිකරණය විසින් එරට තුළ ටික්ටොක් සමාජ මාධ්ය තහනම් කිරීමේ නීතියක් තහවුරු කර තිබෙනවා.
මෙම තහනම් කිරීම කෙබඳු ද සහ එය ක්රියාත්මක කරන්නේ කෙසේ ද යන්න තවමත් පැහැදිලි නොමැති බවයි විදෙස් වාර්තා සඳහන් කළේ.
මෙම නීතියත් සමඟ එළඹෙන ඉරිදා (19) දිනයේ දී ඇමරිකා එක්සත් ජනපදය තුළ ටික්ටොක් තහනමක් ක්රියාත්මක වීමට නියමිතයි.
එක්සත් ජනපදය තුළ මිලියන 170 කට අධික පරිශීලකයින් පිරිසක් චීනයේ හිමිකාරිත්වය දරන මෙම සමාජ මාධ්ය යෙදුම පරිශීලනය කරනු ලබනවා.
ටික්ටොක් සමාජ මාධ්ය යෙදුම එක්සත් ජනපද ජාතික ආරක්ෂාවට ගැටළු මතු කර ඇති බවයි එක්සත් ජනපද නිලධාරීන් සහ නීති සම්පාදකයින් චෝදනා කර සිටියේ.
