රුසියාව සමඟ පවතින යුද්ධය හේතුවෙන් යුක්රේනයේ නගර දෙකක ප්‍රධාන ඓතිහාසික ස්ථාන විනාශ වීමේ අවදානමකට ලක්ව ඇති බව යුනෙස්කෝ සංවිධානය පවසනවා.
ඒ අතරට Kyiv අගනුවර පිහිටි ශාන්ත සොෆියා ආසන දෙව්මැදුර සහ නගරයේ Kyiv-Pechersk Lavra ආරාම භූමියේ මධ්‍යතන යුගයේ ගොඩනැගිලි ඇතුළත්.
බටහිර Lviv නගරයේ ඓතිහාසික මධ්‍යස්ථානය ද යුනෙස්කෝ ලෝක උරුම ලැයිස්තුවට ද ඇතුළත් කර තිබෙනවා.
නිවේදනයක් නිකුත් කරමින් එම යුනෙස්කෝ සංවිධානය කියා සිටියේ යුක්රේනයේ ලෝක උරුම කමිටුව මෙම දේපලවල විශ්වීය වටිනාකම ආරක්ෂා කිරීම සඳහා ප්‍රශස්ත කොන්දේසි සපුරා නොමැති බවයි.
යුද්ධය හේතුවෙන් සිදුවිය හැකි අනතුරකින් එය තර්ජනයට ලක්ව ඇති බව තම සංවිධානය නිගමනය කර ඇති බවයි ඔවුන් ප්‍රකාශ කර ඇත්තේ.
කියෙව්හි ශාන්ත සොෆියා ආසන දෙව්මැදුරට මෙතෙක් බලපෑමක් සිදුවී නැහැ.
මේවාට වන හානිය වැළැක්වීම සඳහා තම සන්නද්ධ හමුදා අවශ්‍ය පූර්වාරක්ෂාවන් ගන්නා බවට රුසියාව එක්සත් ජාතීන්ගේ සංවිධානයට සහතික වී තිබෙනවා.
අනතුරුදායක ලැයිස්තුවට නවතම එක් කිරීම් වාර්තා වන්නේ යුක්රේන වරාය නගරයක් වන ඔඩේසා ජනවාරි මාසයේදී එකතු කිරීමෙන් පසුවයි.
කළු මුහුද හරහා ලොවට ධාන්‍ය අපනයනය කිරීමට ඉඩ සලසන ගනුදෙනුව බිඳ වැටීමෙන් පසු මෑත මාසවලදී ඔඩේසා රුසියාවේ දැඩි බෝම්බ ප්‍රහාරයකට ලක් වුණා.
රුසියාව යුක්රේනයට බෝම්බ හෙලීම යුනෙස්කෝ සංවිධානයේ විවේචනයට ද ලක් වූ අතර ජුලි මාසයේදී, Lviv හි ඓතිහාසික පැරණි නගරයෙන් පිටත ගොඩනැගිල්ලකට බෝම්බ හෙලීම ද හෙළා දැක තිබෙනවා.
නගරය මධ්‍යතන යුගයේ ආරම්භ කරන ලද අතර 13 වන සියවසේ සිට 20 වන සියවස දක්වා පරිපාලන, ආගමික සහ වාණිජ මධ්‍යස්ථානයක් ලෙස එහි වාස්තු විද්‍යාත්මක හා සංස්කෘතික උරුමයන් බොහොමයක් පවත්වා ගෙන ගොස් ඇතැයි සඳහන්. එය 1998 වසරේදීයි ලෝක උරුම ලැයිස්තුවට එක් කරනු ලැබුවේ.
ශාන්ත සොෆියා ආසන දෙව්මැදුර 11 වන සියවසේ ඉදිකරන ලද අතර, එවකට කොන්ස්තන්තිනෝපල්හි කොටසක් වූ නූතන තුර්කියේ Hagia Sophia සමඟ තරඟ කිරීමට සැලසුම් කර ඉදි කරනු ලැබූ එකක්.
එය එම යුගයේ සිට ඉතිරිව ඇති ගොඩනැගිලි කිහිපයෙන් එකක් ලෙසටයි සැලකෙන්නේ.
යුනෙස්කෝ හි අනතුරුදායක ලැයිස්තුවේ දැනට මෙවැනි දේපල 50 කට වඩා පවතිනවා. අවදානමට ලක්ව ඇති අනෙකුත් ස්ථාන අතර පැරණි ජෙරුසලම් නගරය, වියානාහි ඓතිහාසික මධ්‍යස්ථානය සහ ඉන්දුනීසියානු සුමාත්‍රා දූපතේ නිවර්තන වැසි වනාන්තර ද ඇතුළත්.
