ආනයන සීමා පනවා ඇති භාණ්ඩවලින් තවත් භාණ්ඩ 300ත් 400ත් අතර ප්‍රමාණයක ආනයන සීමා ලබන සතිය තුළ ලිහිල් කිරීමට කටයුතු කරන බව මුදල් රාජ්‍ය අමාත්‍ය රංජිත් සියඹලාපිටිය පවසනවා.
මාධ්‍ය වෙත අදහස් දක්වමින් රාජ්‍ය අමාත්‍යවරයා මේ බව සඳහන් කළා.
දේශීය ආර්ථිකයට බලපෑමක් වන දේශීය වශයෙන් නිපදවන භාණ්ඩ ආනයන සීමා ඉවත් කිරීමේ අදහසක් නොමැති බවද අමාත්‍යවරයා මෙහිදී පැවසුවා.
මේ අතර ඉල්ලුමට වැඩි ශක්තිමත් ඩොලර් සැපයුමක් මේ වනවිට රට තුළ පවතින බව ඔහු මෙහිදී වැඩිදුරටත් අදහස් දක්වමින් සඳහන් කර සිටියා.
