ලෝකයට හෙදකම දායාද කළ ෆොරන්ස් නයිටින්ගේල් මහත්මියට ගෞරවය පුද කිරීමක් ලෙස 1899 දී පිහිට වූ ජාත්යන්තර හෙද කවුන්සිලය ගත් තීරණයකට අනුව මැයි 12 වැනිදා ලෝක හෙද දිනය ප්රකාශයට පත් කර තිබෙනවා
විධිමත් හෙද සේවාවක් ආරම්භ වීමත් සමඟ 1939 වසරේ සිට ශ්රී ලංකාව ද, හෙද දිනය සමරන්නේ ගිලනුන් වෙනුවෙන් දිවා රෑ නොබලා උවටැන් කරන, හෙද පරපුරට ගෞරවයක් ලෙසයි.
හෙද හෙදියන්, කොරෝනා වසංගතයට එරෙහි සටනේ ඉදිරි පෙළ සොල්දාදුවන් වී සිටියේ සිය ජීවිත පවා උගසට තබමිනි.
රාජකාරිය ඉක්මවා ගිය මනුෂ්යත්වයේ හදවත්වලින්, මෙරට සිටින 36,000 ක් පමණ වූ හෙද හෙදියන් සිය කාර්යභාරය ඉටු කරමින් සිටින්නේ විවේකයක් හෝ නොලබායි.
මෙවර හෙද දිනයේ තේමාව, හෙදියකගේ ශ්රමදායකත්වය ඉහළ නැංවීම සහ වෘත්තීය අයිතීන්ට ගරු කිරීම තුළින් ගෝලීය සෞඛ්ය සුරක්ෂිත කිරීමෙහි ලා හෙදියගේ නායකත්වයේ හඬ අවදි කරමු යන්නයි.
රෝගී හදවත් සුවපත් කරන්නට හෙද සේවකයින් දරන්නා වූ අපමණ වෙහෙසට අපගේ උත්තමාචාරය..!
