ඉන්දීය මහ කොමසාරිස් ගෝපාල් බග්ලේ මහතා අස්ගිරි මල්වතු මහ නාහිමිවරුන් හමුවී ආශීර්වාද ලබාගෙන තිබෙනවා.
මහ කොමසාරිස් කාර්යාලය නිවේදනය කළේ ගෝපාල් බග්ලේ මහතා මල්වතු සහ අස්ගිරි මහ නාහිමිවරුන් හමු වී ශ්‍රී ලංකාවේ සහ ඉන්දියාවේ ජනතාව සහ ඔවුන් අතර පවතින සහෝදර බැඳීම් වෙනුවෙන් ආශිර්වාද ලබා ගත් බවයි.
පසුගිය 20 වනදා ඉන්දියාවේ නව දිල්ලි නුවරදී 2023 ගෝලීය බෞද්ධ සමුළුවේ සමාරම්භක දේශනය සිදුකරමින් අග්‍රාමාත්‍ය නරේන්ද්‍ර මෝදි සඳහන් කළ පරිදි බුදුන් වහන්සේගේ ඉගැන්වීම් අනුව සැමගේ සුබ සිද්ධිය සඳහා ඔහු යටතේ ඉන්දියාව විසින් ගෙන ඇති පියවර අගය කිරීම සම්බන්ධයෙන් මහ කොමසාරිස්වරයා නා හිමිවරු දෙපළට ස්තුතිය පළ කර තිබෙනවා.
එමෙන්ම මෙම හමුවේදී සංස්කෘතික ක්ෂේත්‍රය තුළ වඩා ශක්තිමත් සහයෝගීතාවයක් සහ දෙරටෙහිම ජනතාව වෙනුවෙන් ඉහළ සම්බන්ධකතාවයක් පවත්වාගෙන යාමේ ප්‍රතිලාභ ද සාකච්ඡා කළ බවයි ඉන්දීය මහ කොමසාරිස් කාර්යාලය කියාසිටියේ.
