මෘත දේහවලින් කොම්පෝස්ට් පොහොර සෑදීම සඳහා ඇමරිකාවේ නිව්යෝර්ක් ප්රාන්ත බලධාරීන් අනුමැතිය ලබා දී ඇති බව විදෙස් මාධ්ය වාර්තා කරනවා.
මෙම අනුමැතියත් සමඟ මරණයෙන් පසු මෘත දේහ කොම්පෝස්ට් පොහොර බවට පත් කිරීමට එම ප්රාන්ත වැසියන්ට හැකියාව හිමිවනවා.
ස්වාභාවික කාබනිකහරණය යනුවෙන් මෙම ක්රමය හැඳින්වෙන අතර, මිනිස් මෘත දේහ සති කිහිපයක් බහාලුමක තබා ජීරණය කිරීම මෙහිදී සිදු කෙරෙනවා.
මෙම ක්රියාවලිය විශේෂ භූගත පහසුකම් තුළ සිදුවනවා.
2019 වසරේ දී මෙය ඇමරිකාව තුළ පළමුවරට නීතිගත කළ අතර, වොෂින්ටන් ප්රාන්තය මෙම ක්රමයට යොමු වූ පළමු ප්රාන්තය බවට පත් වුණා.
ඉන් අනතුරුව කොලරාඩෝ, ඔරිගන්, වර්මොන්ට්, කැලිෆෝනියා වැනි ප්රාන්ත මෙම ක්රමයට අනුමැතිය ලබාදුන් අතර මේ වනවිට ඇමරිකාවේ ප්රාන්ත 06ක මේ සඳහා අවසර දී තිබෙනවා.
මෙම ක්රමය මෘත දේහයක් භූමදානය හෝ ආදාහනය කිරීමට වඩා පරිසර හිතකාමී බවයි පරිසරවේදීන් පවසන්නේ.
