සංචාරක ශ්රී ලංකා කණ්ඩායම සහ ඉන්දියාව අතර තරග තුනකින් සමන්විත විස්සයි විස්ස තරගාවලියේ පළමු තරගය අද (03) මුම්බායි හිදී ආරම්භ වනවා.
මෙම තරගාවලිය සඳහා රෝහිත් ෂර්මා, කේ.එල්. රාහුල්, විරාත් කෝලි, ශ්රෙයාස් අයියර්, රිෂාබ් පාන්ට්, රවීන්ද්ර ජඩේජා, බුවනේෂ්වර් කුමාර්, අශ්වින්, මොහොමඩ් ෂාමි, ජස්ප්රිත් බුම්රා වැනි ප්රබල ඉන්දීය ක්රීඩකයින් එක් වන්නේ නැහැ.
ඒ, අනුව මෙම තරගාවලිය වෙනුවෙන් ඉන්දීය කණ්ඩායමේ නායකත්වයේ වගකීම පවරා ඇති හර්දික් පාණ්ඩ්යාට තරුණ කණ්ඩායමක් සමඟින් මෙම තරගාවලියට එක්වීමට සිදුව තිබෙනවා.
ජාත්යන්තර අත්දැකීම් අඩු ක්රීඩකයින් ඉන්දීය සංචිතයට නම්කළ සිටියත් එම ක්රීඩකයින්ගෙන් වැඩි පිරිසක් අයි.පී.එල්. අත්දැකීම් ඇති ක්රීඩකයින් බවයි ක්රිකට් විචාරකයින් පවසන්නේ.
මේ අතර අද තරගයේ දී ඉන්දීය පිතිකරු ශුබ්මන් ගිල් හට ජාත්යන්තර විස්සයි විස්ස වරම් හිමිවනු ඇති බවයි තොරතුරු වාර්තා වන්නේ.
ඒ, අනුව අද තරගයේ දී ඉන්දීය කණ්ඩායමේ ආරම්භක පිතිකරුවන් ලෙස ඉෂන් කිෂාන් සහ ශුබ්මන් ගිල් කටයුතු කරනු ඇති බවයි බොහෝ දෙනෙකුගේ මතය වී ඇත්තේ.
ඉෂන් කිෂාන්, ශුබ්මන් ගිල්, සූර්යකුමාර් යාදව්, සංජු සැම්සන්, හර්දික් පාණ්ඩ්යා, වොෂින්ටන් සුන්දර්, අක්සාර් පටෙල්, දීපක් හූඩා, හර්ෂල් පටෙල්, යුස්වේන්ද්ර චාහල්, අර්ෂ්දීප් සිං යන කණ්ඩායම අද පැවැත්වෙන පළමු තරගය වෙනුවෙන් ක්රීඩා කිරීමට වැඩි සම්භාවිතාවක් ඇති බව විචාරකයින් පවසනවා.
