පත්වීම් ලබාදීමේදී විවිධ ගැටලු නිසා පත්වීම් නොලැබුනු උපාධිධාරීන්ගේ ප්රශ්නයට විසඳුමක් ලබාදෙන බවට රාජ්ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්යවරයා ලෙස අග්රාමාත්ය දිනේෂ් ගුණවර්ධන මහතා (29) අද පාර්ලිමේන්තුවේදී ප්රකාශ කළා.
විපක්ෂ නායකවරයා විසින් විවිධ අඩුපාඩු නිසා 461 දෙනෙකුට පත්වීම් ලැබී නොමැති බවට නැගූ ප්රශ්නයකට පිලිතුරු සපයමින් ඒ මහතා පැවසුවේ මේ සම්බන්ධයෙන් දැනටමත් අමාත්යාංශ ලේකම්වරයා සාකච්ඡා ආරම්භ කර ඇති බවයි.
එහිදී වැඩිදුරටත් අදහස් දැක්වූ අග්රාමාත්ය දිනේෂ් ගුණවර්ධන මහතා..
” ගරු නියෝජ්ය කතානායකතුමනි, විපක්ෂ නායකතුමා විසින් රාජ්ය පරිපාලන අමාත්යංශය යටතේ තිබෙන දෙපාර්තමේන්තුවල, සුදුසුකම්ලාභී, තවමත් ස්ථීරත්වය ලබා නොමැති සංඛ්යාව පිළිබඳව සඳහන් කළා. දැනටමත් මේ ප්රශ්නය ගැන අමාත්යංශ ලේකම්තුමා සාකච්ඡා ආරම්භ කරලා තියෙනවා. එයට විසඳුමක් ලබා දීමට කටයුතු කිරීමට බලාපොරොත්තු වෙනවා. “
