හැටන් අධ්‍යාපන කාර්‍යාලය යටතේ පාලනය වන ගිනිගත්හේන ප්‍රදේශයේ ප්‍රධාන පාසලක නියෝජ්‍ය විදුහල්පතිනිය වසර 25ක කාලයක සිට එකම පාසලේ රාජකාරිය සිදු කරන බවට දෙමාපියන්ගෙන් චෝදනාවක් එල්ල වී තිබෙනවා.
නියෝජ්‍ය විදුහල්පතිනිය 1999 වසරේ පාසලට පත්වීම් ලබා පැමිණි දා සිට මේ දක්වා (2025) කිසිදු ස්ථාන මාරුවීමක් නොලබා එකම පාසලේ සේවය කරන බවටයි මාපියන්ගෙන් චෝදනාව එල්ල වී ඇත්තේ.
අනෙකුත් ගුරුවරුන් වසර 05ක් වැනි කාලයක් තුළ ස්ථාන මාරුවීම් ලබන බවත් අදාළ නියෝජ්‍ය විදුහල්පතිනියට පමණක් විශේෂ වරප්‍රසාද හිමිගැන්වීම් සිදු කරන්නේ කෙසේ ද යන්නයි මාපියන් අධ්‍යාපන බලධාරීන්ගෙන් ප්‍රශ්න කර සිටින්නේ.
නියෝජ්‍ය විදුහල්පතිනිය විසින් පාසලේ සේවය කරන ගුරුවරුන්ට කාලසටහන් සකස් කරන බවත්, ඇයට හිතවත් ගුරුවරුන්ට පමණක් කාල සටහන් නිසි අයුරින් ලබා දී තවත් ගුරුවරුන් පිරිසකට කාල සටහන් ලබා නොදීම හමුවේ කාල සටහන් නොලද ගුරුවරුන් ප්‍රමාණයක් නිකරුණේ පාසලේ සිටින බවත් දසත ප්‍රාදේශීය වාර්තාකරු පැවසුවා.
