2024 වර්ෂයට සමු දී 2025 වර්ෂය ලෝකයේ පළමු උදාව ලෙස කිරිබාටි රාජ්‍යය පිළිගත්තා.
කිරිබාටි රාජ්‍යය පිහිටා ඇත්තේ මධ්‍යම පැසිෆික් සාගර කලාපයේ යි.
මෙය ක්‍රිස්මස් දූපත ලෙසට ද හැඳින්වෙනවා.
ශ්‍රී ලංකා වේලාවෙන් පස්වරු 3.30ට පමණ කිරිබාටි රාජ්‍යය වෙත නව වසර උදා වීම සිදු වුණා.
කිරිබාටි දූපතෙහි වේලාව ඉන්දියාවට වඩා පැය 8.5ක් ඉදිරියෙන් සහ ග්‍රිනිච් වේලාවට වඩා එය පැය 14ක් ඉදිරියෙන් ගමන් කරනවා.
කිරිබාටි දූපත නව වසර පිළි ගැනීමෙන් මිනිත්තු 15කට පසුව නවසීලන්තයේ චැතම් දූපත් සමූහය 2025 වසර පිළිගනු ලැබුවා.
මෙරට වේලාවෙන් පස්වරු 5.30ට ෆීජි දූපතේ කොටසක්, ඔස්ට්‍රෙලියාවේ මුෂ්, ජපානය හා දකුණු කොරියාව, චීනය, මැලේසියාව, සිංගප්පූරුව, හොංකොං හා පිලිපීනයටත් මේ වනවිට නව වසර උදා වී අවසන්.
නව වසර සැමරූ ලොව පළමු ප්‍රධාන නගරය වන්නේ නවසීලන්තයේ ඕක්ලන්ඩ් නුවරයි.
එහිදී නගර වැසියන් ගිනිකෙළි සංදර්ශන පෙන්වා 2025 වර්ෂය පිළිගත්තා.
නමුත් මහා බ්‍රිතාන්‍යයේ නව වසර පිළිගැනීම් සමහර ප්‍රාන්තවල අවලංගු කර තිබෙනවා.
ඒ අයහපත් කාලගුණික තත්ත්වය හේතුවෙන් බවයි පැවසෙන්නේ.
එරට කාලගුණ දෙපාර්තමේන්තුව විසින් කාලගුණ අනතුරු ඇඟවීම් පවා ඇතැම් ප්‍රාන්තවලට නිකුත් කර තිබෙනවා.
එඩින්බරෝ හි තද සුළං සහ අධික වර්ෂාව මීට හේතුව වන අතර ස්කොට්ලන්තයේ විශාලතම සැමරුම වන හොග්මනයි හි සැමරුම මෙන් ම එළිමහන් උත්සව ද බ්ලැක්පූල් නගර උත්සව ද එරට බලධාරීන් අවලංගු කර ඇති බවයි බීබීසී මාධ්‍යය පෙන්වා දෙන්නේ.
