ජාත්‍යන්තර ක්‍රීඩා වෙබ්අඩවියක් වන ක්‍රික්ඉන්ෆෝ වෙබ්අඩවිය 2023 වර්ෂයේ එක්දින ක්‍රිකට් කණ්ඩායම නම්කර තිබෙනවා.
ගෙවුනු 2023 වර්ෂය තුළ ක්‍රීඩකයින් එක්දින පිටියේ දැක්වූ දක්ෂතා පදනම් කරගනිමින් මෙම නම් කිරීම් සිදුකර ඇති බව සදහන්.
ක්‍රීඩකයින් එකොළොස් දෙනෙකුගෙන් සමන්විත වසරේ එක්දින කණ්ඩායමට ඉන්දීය ක්‍රීඩකයින් 06 දෙනෙකු ම ඇතුළත්ව තිබීම විශේෂත්වයක්.
පසුගිය වසරේ පැවති ලෝක කුසලානය ජයගත් ඕස්ට්‍රේලියානු කණ්ඩායමේ ක්‍රීඩකයින් දෙදෙනෙක් මෙම කණ්ඩායමට ඇතුළත්ව තිබෙනවා.
ඊට අමතරව දකුණු අප්‍රිකානු ක්‍රීඩකයින් දෙදෙනෙක් සහ එක් නවසීලන්ත ක්‍රීඩකයෙක් 2023 වසරේ එක්දින කණ්ඩායමට ඇතුළත්.
ඒ, අනුව රෝහිත් ෂර්මා, ශුබ්මන් ගිල්, විරාට් කෝලි, මොහොමඩ් ෂාමි, ජස්ප්‍රිත් බුම්රා සහ කුල්දීප් යාදෙව් යන ඉන්දීය ක්‍රීඩකයින් මෙම කණ්ඩායමට නම් කර තිබෙනවා.
ඕස්ට්‍රේලියානු ක්‍රීඩකයින්වන ට්‍රැවිස් හෙඩ් සහ ඇඩම් සම්පා මෙම කණ්ඩායමට ඇතුළත්.
හෙන්ඩ්‍රිච් ක්ලාසන් සහ මාර්කෝ ජැන්සන් යන දකුණු අප්‍රිකානු ක්‍රීඩකයින් දෙදෙනා මෙන්ම, නවසීලන්ත ක්‍රීඩක ඩැරල් මිචෙල් ද ක්‍රික්ඉන්ෆෝ වෙබ්අඩවිය නම් කළ 2023 වසරේ එක්දින කණ්ඩායමේ සාමාජිකයින් වනවා.
