වැඩිහිටි සගයින්ගෙන් වෙන්ව ඇදුම් මාරු කිරීමට සූර්යවංශිට ක්‍රීඩාගාරයේ වෙනම තැනක්

සංචාරක ඉන්දීය කණ්ඩායම සහ අයර්ලන්තය අතර විස්සයි විස්ස තරගාවලියේ පළමු තරය අනිද්දා (25) බෙල්ෆාස්ට් පිටියේ දී පැවැත්වෙනවා.

තරග දෙකකින් සමන්විත මෙම තරගාවලිය අවසන් වීමෙන් අනතුරුව ඉන්දීය කණ්ඩායම විස්සයි විස්ස තරග 05කට සහ එක්දින තරග 03කට සහභාගී වීමේ අරමුණින් එංගලන්තයට පිටත්ව යෑමට නියමිතයි.

මේ අතර මෙම තරග සංචාරයන් සඳහා ඉන්දීය විස්සයි විස්ස සංචිතය සඳහා කැඳවනු ලැබූ 15 හැවිරිදි යොවුන් ක්‍රීඩක වෛභව් සූර්යවංශිට ක්‍රීඩකයින් රැඳී සිටින ක්‍රීඩක ප්‍රේක්ෂකාගාරයේ, ඇඳුම් මාරු කිරීම සඳහා ඔහුටම වෙන්වූ වෙනම ස්ථානයක් සකස්කර දීමට සත්කාරක රටවල් වලට සිදුව ඇති බව විදෙස් මාධ්‍ය වාර්තා කරනවා.

ඉන්දීය ක්‍රිකට් පාලක මණ්ඩලයේ විසින් හඳුන්වා දී තිබෙන නීති රාමුව යටතේ වයස අවුරුදු 16 ට අඩු ක්‍රීඩකයින්ට වැඩිහිටි ඇඳුම් මාරු කිරීමේ කාමර භාවිතා කිරීම තහනම් කර ඇති අතර ඒ අනුව 15 හැවිරිදි සූර්යවංශිට වෙනම කාමරයක් හිමිවිය යුතු වනවා.

එමෙන්ම මෙම තරගාවලි දෙක පුරාවටම වෛභව් සූර්යවංශිගේ දෙවම්පියන්ට ඔහු සමඟ සංචාරය කිරීමට ද ඉන්දීය ක්‍රිකට් පාලක මණ්ඩලයේ අවසරය හිමිව ඇති බව විදෙස් මාධ්‍ය වාර්තාවල සඳහන්.