spot_imgspot_img
spot_img
SLIC Banner
Empty Ad
Empty Ad

2021 ගෙන්වූ නැනෝ දියර පොහොර ගැන හොයන්න කමිටුවක්

2021 මහ කන්නයේ වී වගාවට නැනෝ දියර පොහොර ආනයනය නිසා යම් දූෂණයක් සිදුවී ඇත්ද යන්න සොයා බැලීම සඳහා අමාත්‍ය මණ්ඩලයේ අනුමැතිය මත උසස් නිලධාරින්ගෙන් සමන්විත කමිටුවක් පත් කිරීමට තීරණය කර තිබෙනවා.

චීන කාබනික පොහොර නැවට මුදල් ගෙවීම හා නැනෝ පොහොර ආනයනය කිරීම යන කරුණු දෙකම රටේ කෘෂිකර්මාන්තයට කිසිදු ප්‍රයෝජනයක් අත් නොවූ පියවරයන් දෙකක් බවයි කෘෂිකර්ම අමාත්‍ය මහින්ද අමරවීර මහතා පෙන්වා දෙන්නේ.

චීන කාබනික පොහොර නැවට ඩොලර් මිලියන 06.09ක මුදලක් ගෙවීම මෙන්ම නැනෝ දියර පොහොර යනුවෙන් මෙරටට ආනයනය කරන ලද පොහොර නිසා රටේ කෘෂිකර්මාන්තයට කිසිදු ප්‍රයෝජනයක් අත් වී නැතැයි ද අමාත්‍යවරයා අවධාරණය කරනවා.

අද දින (25) කෘෂිකර්ම අමාත්‍යාංශයේ පැවැති ප්‍රවෘත්ති සාකච්ඡාවක දී මාධ්‍යවේදීන් මේ සම්බන්ධව අමාත්‍යවරයාගෙන් කරුණු විමසනු ලැබුවා. නැනෝ පොහොර ලීටර් ලක්ෂ 30ක් 2021 දී මෙරටට ආනයනය කර ඇතත් ඉන් කිසිදු ප්‍රයෝජනයක් අත් වී නැතැයි යන කාරණය සම්බන්ධයෙන් මාධ්‍යවේදීන් අමාත්‍යවරයාගෙන් ප්‍රශ්න කළා.

අමාත්‍යවරයා මෙහිදී සඳහන් කළේ නැනෝ පොහොර ආනයනය සම්බන්ධව යම් දූෂණයක් සිදුවී ඇත්ද යන්න පිළිබඳ දැනට ඉදිරිපත්ව ඇති පෙත්සම් සහ විගණකාධිපති වාර්තාවන් සැළකිල්ලට ගනිමින් මේ සම්බන්ධව පුළුල් විමර්ශනයක් ආරම්භ කිරීමට අමාත්‍ය මණ්ඩලයේ අනුමැතිය මත ඉහළ නිලධාරින්ගෙන් සමන්විත කමිටුවක් පත් කිරීමට තීරණය කර ඇති බවයි.

එමෙන්ම මෙමගින් යම් මුල්‍යමය අලාභයක් හෝ වංචාවක් සිදුවී ඇත්ද යන්න පිළිබදව මාධ්‍යවේදීන් අමාත්‍යවරයාගෙන් කරුණු විමසුවා.

මේ සිදුවීම සිදුවුයේ තමා කෘෂිකර්ම අමාත්‍ය ධුරය දරන සමයේ නොවන බැවින් මේ සම්බන්ධව කිසිවක් කිව නොහැකි බවයි ඔහු පෙන්වා දුන්නේ. කෙසේවෙතත් මෙම සිද්ධිය සම්බන්ධව සොයා බැලීම සඳහා පත් කෙරෙන අමාත්‍ය අනු කමිටුව මගින් ඒ සම්බන්ධව විමර්ශනය කරනු ඇතැයි ද අමාත්‍යවරයා සඳහන් කළා.

චීන පොහොර නැවට ඩොලර් මිලියන 06.09ක් ගෙවා තිබෙනවා. ඒ වගේම මේ නැනෝ දියර පොහොර යනුවෙන් ඉන්දියාවේ ගුජරාටයෙන් ගෙන්වන ලද දියර පොහොර ලීටර් ලක්ෂ 03ක පමණ ප්‍රමාණයත් ගත් කළ ඒ සඳහා වැය කළ සමස්ත මුදල රටේ කෘෂිකර්මාන්තයට හෝ ගොවියා ජනතාවට කිසිදු ප්‍රයෝජනයක් අත් වී නැති බව කිව යුතුයි. මේවා මහජන මුදල්. මහජන මුදල් වැය කිරීමේ දී ඒවාට රජය වගකිව යුතුයි.. යනුවෙන් අමාත්‍යවරයා ප්‍රකාශ කළා.

ඔබේ ප්‍රතිචාරය කුමක්ද ?
+1
0
+1
0
+1
1
+1
1
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?