දේව අපහාස චෝදනා මත අත්අඩංගුවට ගැණුනු 54 හැවිරිදි කිතුනු ජාතිකයෙකුට පකිස්තාන ෆෙඩරල් විමර්ශන ඒජන්සියේ (FIA) නිලධාරින් විසින් අමානුෂික ලෙස පහර දී පාපෝච්චාරණයක් කරන ලෙස බල කර ඇතැයි පාකිස්තාන මාධ්‍ය වාර්තා කර තිබේ.
ෆන්සාන් සාහිඩ් නමැති කිතුණු ජාතිකයා මාර්තු 16 වන දා මධ්‍යම රාත්‍රියේ ඔහුගේ ලාහෝර් නිවස වටලා අත්අඩංගුවට ගෙන ඇත්තේ ඔහු 2019 දී ෆේස්බුක් හි අපහාසාත්මක අදහසක් පළ කළ බවට චෝදනා කරමිනි.
ෆෙඩරල් ඒජන්සියේ නියෝජිතයන් ෆන්සාන් ෂාහිඩ්ගේ දුරකථනය, ඡායාරූපයක් සහ ඔහුගේ ජාතික හැඳුනුම්පත පැහැරගෙන ඔහුව ඔවුන්ගේ වාහනයට දමා ගත් බව බිරිඳ වන සෆියා සාහිඩ් මෝනින් ස්ටාර් ප්‍රවෘත්ති සේවයට පවසා තිබේ.
සාහිඩ්ගේ බිරිඳ වැඩිදුරටත් පවසා ඇත්තේ 2019 වසරේ දී නැතිවූ ඔහුගේ දුරකතනයට මුර පද භාවිත නොකිරීම හේතුවෙන් කිසිවකු ඔහුගේ ෆේස්බුක් ගිණුම වෙත ඇතුළු වී ඉස්ලාම් ධර්මයට අපහාස ප්‍රකාශයන් පළ කිරීම සඳහා එය යොදාගෙන ඇති බවයි.
ඇය බදාදා ගුජ්රන්වාලා හි ෆෙඩරල් විමර්ශන ඒජන්සියේ පසුවන තම ස්වාමිපුරුෂයා මුණ ගැසුණු විට චෝදනා කරන ලද අපරාධය පාපොච්චාරණය කිරීමට ඔවුන් ඔහුට වධ දුන් බව පැවසූ බව අනාවරණය කර තිබේ.
පකිස්තානය තුළ, බොහෝ විට පුද්ගලික පළිගැනීම් හෝ ආගමික වෛරය නිසා පොලඹවන ලද, අපහාස කිරීම පිළිබඳ අසත්‍ය චෝදනා බහුලව දක්නට ලැබෙන අතර ලොව පුරා අසරණ වූ කිතුනුවන් වෙනුවෙන් පෙනී සිටින Open Doors’ හි 2022 ලෝක නිරීක්ෂණ ලැයිස්තුවේ කිතුනුවකු වීමට වඩාත්ම දුෂ්කර රටවල් 50 න් පාකිස්තානය අටවැනි ස්ථානයට පත්ව ඇති බව දක්වා ඇත.
