පාස්කු ඉරුදින ත්‍රස්ත ප්‍රහාරයක් එල්ල වීමට නියමිත බවට බුද්ධි තොරතුරු ලැබි තිබියදී එය වළක්වා ගැනීමට කටයුතු නොකිරීම තුළින් සාපරාධී ලෙස රාජකාරිය පැහැර හැරීමේ චෝදනාවලින් හිටපු පොලිස්පති පූජිත් ජයසුන්දර සහ හිටපු ආරක්ෂක ලේකම් හේමසිරි ප්‍රනාන්දු නිදොස් කොට නිදහස් කරමින් කොළඹ මහාධිකරණය දුන් තීන්දුවට එරෙහිව නීතිපතිවරයා ඉදිරිපත් කළ අභියාචනයේ තීන්දුව ප්‍රකාශයට පත් කිරීම ශ්‍රේෂ්ඨාධිකරණය විසින් පසුවට කල් තැබුවා.
නීතිපතිවරයා විසින් ඉදිරිපත් කළ එම අභියාචනා පෙත්සම් දෙක ප්‍රීති පද්මන් සූරසේන මහතා ප්‍රමුඛ පංච පුද්ගල ශ්‍රේෂ්ඨාධිකරණ පිරිසක මඩුල්ලක් ඉදිරියේයි විභාග කෙරුණේ.
මෙම පෙත්සම්වලට අදාළව පෙත්සම්කාර හා වගඋත්තරකාර පාර්ශවයන්හි වාචික දේශන ඉදිරිපත් කිරීම අද අවසන් කෙරුණා.
ඉන් අනතුරුව එම අභියාචනා පෙත්සම්වල තීන්දුව ප්‍රකාශයට පත් කිරීම ශ්‍රේෂ්ඨාධිකරණය විසින් දින නියමයක් නොමැතිව කල් තබා තිබෙනවා.
