අපිට මේ පුවත වාර්ථා වෙන්නේ පන්නල, හෙත්තිරිප්පුව ප්රදේශයෙන්.පන්නල නිවසක ගෑස් ලිපක් ඊයේ (05) සවස පුපුරාගොස් තිබුණා.නමුත් අදාළ පිපිරීමෙන් කිසිවෙකුටත් අනතුරක් සිදුවී තිබුනේ නැහැ.
අදාළ නිවසේ ගෘහනිය පවසා සිටියේ, යතුරුපැදි ආරක්ෂක හිස්වැසුමක් පැළඳ සිටීම හේතුවෙන් තමාට කිසිදු අනතුරක් සිදු නොවූ බවය.
ඇයගේම වචන වලින් ඇය මෙසේ ප්රකාශ කර සිටියා ,
“මම උදේ කෑම හදමින් හිටියේ. ලිප ඕෆ් කළා, උය උය හිටපු එක මම ඉවත් කළා. ලොකු ශබ්දයක් එක්ක එක වරම ගෑස් ලිප පිපිරුනා. ඇඟට කෑලි විසි වුණා.
හෙල්මට් එකක් දාගෙන මම මේ දවස්වල උයන්නේ. හෙල්මට් එක දාලා තිබුණ නිසා ඇස්වලට ලොකු කරදරයක් වුණේ නැහැ. හැමතැනම ගෑස් පුපුරනවා කියලා කියනවා. කෑම හදාගන්න වෙන විකල්පයක් නැහැ. ගෑස් විතරමයි නිවසේ භාවිතා කරන්නේ.
ඒ නිසා හෙල්මට් එක දාලා වයිසර් එකත් වහලා තමයි කෑම හදන්නේ. ශාරීරිකව මොකුත් හානියක් වුණේ නැහැ. මම හැමෝටම ඉල්ලීමක් කරනවා. පුළුවන් මේ දවස්වල කෑම හදන විට මේවගේ එකක් භාවිතා කරන්න.”
මේ ඇගේ අවවාදයයි.
ඉතින් අසිරිමත් දේශයක පුරවැසියන් වශයෙන් අපිට අපේ ආරක්ශාව වෙනුවෙන් සමහර අවස්ථාවන් වල නොසිතූ දේත් කරන්න සිදු වේවී.නමුත් උපේක්ශාවෙන් විසදුමක් ලැබෙන තෙක් අපි අපි වෙනුවෙන් ආරක්ශා වෙමු
