ප්රසිද්ධ කවිබණ දේශකයාණන් වහන්සේ නමක් වන ගනේකන්දේ චන්දරතන හිමි හෙරොයින් මත්ද්රව්ය සමඟ අත්අඩංගුවට ගෙන තිබෙනවා.
එම හිමිනම වාසය කළ අලව්ව ප්රදේශයේ පිහිටි විහාරස්ථානය තුළ දී මාතලේ කොට්ඨාස අපරාධ විමර්ශන ඒකකය විසින් ඊයේ (16) රාත්රියේ මෙම අත්අඩංගුවට ගැනීම සිදුකර ඇති බවයි වාර්තා වුණේ.
සැකකාර හිමිනම සමඟ තවත් දෙදෙනෙක් ද මෙහිදී පොලිසිය විසින් අත්අඩංගුවට ගෙන තිබෙනවා.
අත්අඩංගුවට ගැනුණු හිමිනම දැඩි ලෙස මත්ද්රව්යවලට ඇබ්බැහිව සිටින බවයි පොලිසිය සඳහන් කළේ.
ඊට අමතරව මේ වනවිට ඉතාලියේ සිටින මිනුවන්ගොඩ නේවි දිනේෂ් නැමැත්තාගේ මත්ද්රව්ය ජාලය මෙහෙයවා ඇත්තේ ද සැකකාර හිමිනම බවටයි අනාවරණය වී ඇත්තේ.
අත්අඩංගුවට පත්වන අවස්ථාවේ දී හිමිනම සන්තකයේ තිබී හෙරොයින් මත්ද්රව්ය ග්රෑම් 28කට අධික ප්රමාණයක් සොයාගත් බවයි පොලිසිය වැඩිදුරටත් පැවසුවේ.
නේවි දිනේෂ් නැමැත්තාගේ මත්ද්රව්ය සිවුරේ පාටට කුඩා පැකට්වලට ඇසුරුම් කර ඒවා මත්ලෝලීන් වෙත බෙදාහැරීම ද සැකකාර හිමිනම විසින් සිදුකරගෙන ගොස් තිබෙනවා.
මාතලේ කොට්ඨාස භාර ජ්යෙෂ්ඨ පොලිස් අධිකාරී වික්රමනායක මහතාට ලැබුණු තොරතුරක් මත මෙම වැටලීම සිදුකර තිබෙනවා.
අත්අඩංගුවට ගැනුණු සැකකාර හිමිනම සහ අනෙකුත් සැකකරුවන් දෙදෙනා ඉදිරි විමර්ශන කටයුතු සඳහා අලව්ව පොලිසිය වෙත භාර දී ඇති අතර, සැකකරුවන් අද (17) පොල්ගහවෙල මහේස්ත්රාත් අධිකරණ වෙත ඉදිරිපත් කිරීමට නියමිතයි.
wpDiscuz
