කිලිනොච්චිය, කෝනාවිල් ප්රදේශයේ පිහිටි පොල් කොහු කර්මාන්ත ශාලාවක ඇති වූ ගින්නකින් එම කර්මාන්ත ශාලාවට හා උපකරණවලට දැඩි හානි සිදුව තිබෙනවා.
කොහු කර්මාන්ත ශාලාවට සම්බන්ධ විදුලි සැපයුම මගින් හටගත් විදුලි කාන්දුවක් හේතුවෙන් මෙම ගින්න හටගත් බවයි ඒහි සේවකයින් විසින් පොලීසියට පවසා ඇත්තේ.
ගින්න ඇති වූ අවස්ථාවේදී කොහු කර්මාන්ත ශාලව තුල සිටි පිරිස් වහා එම ස්ථානයෙන් ඉවත්ව ආරක්ෂාකාරි ස්ථානයන් වෙත ගොස් තිබෙනවා.
අනතුරුව ගින්න ගොස් ගින්න නිවා දැමීමට උත්සහ දැරුවද එය අසාර්ථක වීමෙන් ඒ පිළිබඳව පොලීසියට හා ගිනි නිවන අංශ වෙත දැනුම් දී ඇතැයි සඳහන්.
පසුව කරච්චි ප්රාදේශීය ලේකම් කොට්ඨාශයට අයත් ගිනිනිවන රථය පැමිණ ප්රදේශවාසීන්ගේද සහය ඇතිව ගින්න පාලනය කිරීමට පියවර ගෙන තිබෙනවා.
නමුත් එම අවස්ථාව වන විටත් කොහු කර්මාන්ත ශාලාව සම්පූරණයෙන්ම විනාශ වී ඇති අතර, උපකරණ රැසක්ද ගිනිගෙන විනාශ වී ඇතැයි සඳහන්.
