කිරින්ද, බැබුව වනජීවි මුරපොළ ආසන්නයේ අද (21) කාලයේ සතුන් දඩයම් කිරීමේ අරමුණෙන් වෙඩි තැබීමක් සිදුව ඇතිව බව පොලිස් මාධ්ය කොට්ඨාසය පවසනවා.
යාල වනෝද්යානයට ඉතා ආසන්නයේ පිහිටා ඇති මෙම වනජීවි මුරපොළ ආසන්නයේ වෙඩි තැබීමේ ශබ්දය පිළිබද වාර්තා වීමත් සමඟ මුරපොළේ සේවයේ නියතුව සිටි නිලධාරීන් වෙඩි ශබ්දය ඇසුණු ස්ථානයට ගොස් තිබෙනවා.
කෙසේ වෙතත් ඒ වන විට වෙඩි තැබීම සිදු කළ පිරිස ඔවුන් පැමිණි මෝටර් රථයෙන් පළාගොස් ඇති බවයි වාර්තා වන්නේ.
ඒ අනුව වෙඩි තැබීම සිදුකර පලාගිය සැකකරුවන් පිරිස සහ මෝටර් රථය සොයා කිරින්ද පොලිසිය විමර්ශන සිදු කරන බවත් ඒ සඳහා ආසන්නයේ පොලි ස්ථානවල සහයද ලබා ගන්නා බවත් වාර්තා වනවා.
