මාර්තු 16 වැනිදා කාබුල් හි මත්ද්රව්යවලට ඇබ්බැහි වූවන් පුනරුත්ථාපන මධ්යස්ථානයකට එල්ල වූ ගුවන් ප්රහාරය පතොරම් ගබඩාවක් ඉලක්ක කර ගත් බවට පකිස්තාන නිලධාරීන්ගේ ප්රකාශවලට ජාත්යන්තර ක්ෂමා සංවිධානය ප්රතිචාර දක්වා තිබෙනවා.
එහි නියෝජ්ය කලාපීය අධ්යක්ෂ ඉසබෙල් ලැසී පවසන්නේ කඳවුරේ විශාල කොටසක් 2016 සිට මත්ද්රව්ය පුනරුත්ථාපන පහසුකමක් ලෙස ක්රියාත්මක වූ බව හොඳින් ලේඛනගත කර තිබූ බවයි.
මෙම ප්රහාරය දියත් කිරීමට පෙර පකිස්තාන හමුදාව සිවිල් වැසියන් සහ සිවිල් වස්තූන් ඉතිරි කිරීමට හැකි සෑම පූර්වාරක්ෂාවක්ම ගත යුතුව තිබුණු බව ලැසී පවසනවා.
කඳවුර තුළ පතොරම් ගබඩාවක් තිබුණත්, පහර දීමේ තීරණය සිවිල් වැසියන්ට ඇති කළ හැකි අධික හානියක් සමඟ සසඳා බැලිය යුතුව තිබුණු බව ජාත්යන්තර ක්ෂමා සංවිධානය පවසනවා.
සංවිධානය පවසන්ලේ පාකිස්තාන බලධාරීන් දැන් ඔවුන් ක්රියා කළ තොරතුරු සහ සත්යාපනය සඳහා ගත් පියවර පැහැදිලි කළ යුතු බවයි.
මෙම ප්රහාරයේ තත්වයන් සහ එහි ප්රතිඵලයක් ලෙස සිවිල් වැසියන්ට සිදු වූ හානි පිළිබඳව ස්වාධීන, අපක්ෂපාතී සහ කාලෝචිත පරීක්ෂණයක් ද ඔවුන් විසින් සිදු කළ යුතු අතර, එහි ප්රතිඵල ප්රසිද්ධියට පත් කර වගකිව යුත්තන් සම්බන්ධයෙන් ක්රියාමාර්ග ගත යුතු බවද ජාත්යන්තර ක්ෂමා සංවිධානය පවසනවා.
