මැදපෙරදිග කලාපයේ පවතින යුදමය තත්ත්වය හේතුවෙන් දිනෙන් දින ඉන්ධන සැපයුම් මාර්ග අඩපන වෙමින් තිබීමත් රට තුළ ඉන්ධන ඉල්ලුම අසාමාන්ය ලෙස ඉහළ යමින් තිබීම හේතුවෙන් රට තුළ පවතින ඉන්ධන සංචිත ප්රවේශම් සහගතව භාවිත කර යුතු බැවින් අද (15) උදෑසන 06.00 සිට ඉන්ධන ලබා ගැනීම සඳහා නැවත QR කේතය ක්රියාත්මක කිරීමට රජය තීරණය කර තිබෙනවා.
ඒ අනුව අද (15) උදෑසන 06.00 සිට දිවයිනේ සියලු ඉන්ධන පිරවුම්හල්වලින් ඉන්ධන ලබා ගැනීමේදී මෙම QR කේතය භාවිත කළ යුතු අතර QR කේතය නොමැතිව කිසිදු අවස්ථාවක ඉන්ධන ලබා ගැනීමට අවස්ථාවක් නොමැති බව මේ සම්බන්ධයෙන් බලශක්ති අමාත්යාංශය විසින් නිකුත් කළ නිවේදනයේ සඳහන්.
බලශක්ති අමාත්යාංශය විසින් නිකුත් කළ නිවේදනයේ සඳහන් වන පරිදි පහත පරිදි QR කේතය භාගත කාර ගැනීමේ හැකියාව පවතිනවා.
- පෙර QR කේතය ලියාපදිංචි කළ අය:
*. වාහනයේ හිමිකාරිත්වය හෝ දුරකථන අංකය වෙනස් වී නොමැති නම්, (14) මධ්යම රාත්රියේ සිට https://fuelpass.gov.lk/ වෙබ් අඩවියෙන් ඔබට හිමි කේතය භාගත (Download) කරගත හැකිය.
*.වාහනයේ හිමිකාරිත්වය හෝ දුරකථන අංකය වෙනස් වී ඇති නම්,(15) දින උදෑසන 6.00 සිට https://fuelpass.gov.lk වෙබ් අඩවියෙන් ඔබ නැවත ලියාපදිංචි විය යුතුය.
- පෙර QR කේතය ලියාපදිංචි නොකළ සහ මෝටර් රථ ප්රවාහන දෙපාර්තමේන්තුවේ (RMV ) අලුතින්ම ලියාපදිංචි කරන ලද වාහන:
*. 2026.03.15 දින උදෑසන 6.00 සිට https://fuelpass.gov.lk/ වෙබ් අඩවියෙන් ඔබ ලියාපදිංචි විය යුතුය.
ඒ අනුව QR කේතය සතියකට ලබා ගත හැකි ඉන්ධන ලීටර ප්රමාණය පහතින්,
බස් රථ- ලීටර් 60
මෝටර් සයිකල් – ලීටර් 05
වෑන් රථ – ලීටර් 40
මෝටර් රථ – ලීටර් 15
මෝටර් ලොරි – ලීටර් 200
ඉඩම් වාහන – ලීටර් 25
මෝටර් ත්රීරෝද රථ- ලීටර් 15
විශේෂ කාර්ය වාහන- ලීටර් 40
ක්වොඩ්රිසයිකල් – ලීටර් 5
මීට අමතරව පුද්ගලික මගී ප්රවාහන බස් රථ සඳහා ශ්රී ලංකා ගමනාගමන මණ්ඩලය මගින් ඉන්ධන නිකුත් කරන බව බලශක්ති අමාත්යාංශයේ නිවේදනයේ සඳහන්.
