2026 ඉන්දීය ප්‍රිමියර් ලීගය සඳහා කොල්කටා නයිට් රයිඩර්ස් කණ්ඩායම සමඟ ගිවිසුම්ගතව සිටි ඉන්දීය වේග පන්දු යවන ක්‍රීඩක ආකාෂ් දීප්ට මෙවර සම්පූර්ණ තරගාවලිය අහිමි වන බව විදෙස් මාධ්‍ය වාර්තා කර තිබෙනවා.
ආකාෂ් දීප්ට පිට කොන්දේ ආබාධයක් පවතින අතර ඔහුට සම්පූර්ණ සුවය ලබා ගැනීම සඳහා අවම මාස 03ක කාලයක් ගත වන බවයි වාර්තා වන්නේ.
ඒ අනුව ආකාෂ් ද තරගාවලියට සහභාගී වීමට නොහැකි වන නිසා කොල්කටා නයිට් රයිඩර්ස් කණ්ඩායවේ වේග පන්දු බලඇණියේ උද්ඝතව තිබෙන ගැටළුව තවදුරටත් වර්ධනය කර තිබෙනවා.
කොල්කටා කණ්ඩායම සමඟ ගිවිසුම් ගතව සිටින ප්‍රධාන වේග පන්දු යවන්නන් තිදෙනාම මේ වන විට ආබාධයන්ට ලක්ව තිබෙනවා.
ආකාෂ් දීප්ට අමතරව හර්ෂිට් රානාටද දණහිසේ පවතින අබාධයක් හේතුවෙන් තරගාවලියෙන් ඉවත් වීමට සිදුවන අතර ශ්‍රී ලංකා ක්‍රීඩක මතීෂ පතිරණට ඇතිව තිබෙන ආබාධයක් හේතුවෙන් තරඟාවලියේ පළමු භාගයේ තරගවලට සහභාගී වීමට හැකියාවක් නොලැබෙන බවයි වාර්තා වන්නේ.
Mathisage kakul dekama kadiyan