අන්සතු වාහනයක් නීති විරෝධී ලෙස කොටස් කර සන්තකයේ තබා ගැනීමේ චෝදනාවට වරදකරු වූ හිටපු පොලිස් නිලධාරියෙකුට කොළඹ මහාධිකරණය බරපතල වැඩ සහිත වසර හතරක සිර දඬුවම් නියම කර තිබෙනවා.
සුජිත් රූපසිංහ නමැති හිටපු පොලිස් නිලධාරියෙකුටයි මෙලෙස දඬුවම් නියම වූයේ.
කොළඹ මහාධිකරණ විනිසුරු මංජුල තිලකරත්න මහතා විසින් තීන්දුව ලබා දුන් අතර සිර දඬුවමට අමතරව විත්තිකරුට රුපියල් 10,000ක දඩයක්ද නියම කර තිබෙනවා.
2010 වසරේ ජනවාරි මස 01 වනදා සහ 2008 වසරේ ජුනි මස 01 වනදා අතර කාලසීමාව තුළ කොල්ලුපිටිය ප්රදේශයේ ඉඩමක් සහ නිවසක් සඳහා ව්යාජ ඔප්පුවක් සකස් කර විකිණීම මෙන්ම එම නිවසේ තිබූ වාහනයක් සොරකම් කර සන්තකයේ තබාගැනීම සම්බන්ධයෙන් මෙම විත්තිකරුට එරෙහිව චෝදනා ගොනු කර තිබුණා.
නඩු විභාගයකින් අනතුරුව තීන්දුව ප්රකාශයට පත් කළ විනිසුරුවරයා දැනුම් දුන්නේ ව්යාජ ඔප්පු සකස් කිරීමේ සිද්ධියට අදාළ චෝදනාවලින් විත්තිකරු නිදහස් කරන බවයි.
මෙම ඔප්පු සකස් කිරීමේ සිද්ධියට සම්බන්ධ බුලත්සිංහලගේ ගුණසිංහ නැමැති පුද්ගලයා සම්බන්ධයෙන් විමර්ශන පැවැත්වීමට පොලිසිය කටයුතු නොකිරීම සම්බන්ධයෙන් වැඩි විමතිය පළ කළ විනිසුරුවරයා පොලිසියේ මෙම ක්රියාකලාපය සම්බන්ධයෙන් අධිකරණය කණගාටුව පළ කරන බවත් කියා සිටියා.
නමුත් වාහනයක් සොරකම් කර සන්තකයේ තබාගැනීමේ චෝදනාවට විත්තිකරු වරදකරු කරන බවත් ඒ අනුව ඔහුට මෙම දඬුවම් නියම කරන බවත් තීන්දුවේ සඳහන්.
