හිටපු ඇමති රාජිත අල්ලස් කොමිසමෙන් අත්අඩංගුවට ගැනීමේ සූදානමක්

හිටපු අමාත්‍ය රාජිත සේනාරත්න අල්ලස් නඩුවකට අදාළව සැකකරුවෙකු ලෙස නම් කර අත්අඩංගුවට ගැනීමේ සූදානමක් පවතින බව වාර්තා වනවා.

අද (27) දිනයේ අත්අඩංගුවට ගැනුණු ධීවර වරාය නීතිගත සංස්ථාවේ හිටපු උප සභාපති උපාලි ලියනගේ; කොළඹ ප්‍රධාන මහේස්ත්‍රාත් තනුජා ලක්මාලී ජයතුංග මහත්මිය හමුවට ඉදිරිපත් කළ අවස්ථාවේ දී අල්ලස් කොමිසමේ නිලධාරීන් අධිකරණය හමුවේ මේ බව සඳහන් කර තිබෙනවා.

අල්ලස් කොමිසම විසින් අත්අඩංගුවට ගෙන අධිකරණය හමුවට ඉදිරිපත් කළ සැකකාර උප සභාපති උපාලි ලියනගේ රුපියල් මිලියන 05 බැගින් වූ ශරීර ඇප තුනක් මත මුදා හැරීමට නියම කාලා අතර ඔහුට එරෙහිව විදේශ ගමන් තහනමක් ද පනවනු ලැබුවා.

මෙහිදී මහේස්ත්‍රාත්වරිය අල්ලස් කොමිසමේ නිලධාරීන් වෙත ප්‍රශ්නයක් යොමු කරමින් මෙම නඩුකරයට අදාළව තවත් සැකකරුවන් අත්අඩංගුවට ගැනීමට නියමිතව තිබේදැයි විමසා සිටියා.

ඊට පිළිතුරු දෙමිනුයි අදාළ නිලධාරීන්. එවක විෂය භාර අමාත්‍ය රාජිත සේනාරත්න මෙහි සැකකරුවකු ලෙස නම්කර අත්අඩංගුවට ගැනීමට නියමිත බව පැවසුවේ.