හැකිතරම් දරුවන් හදන්න – උතුරු කොරියානු නායකයා කඳුළු සලමින් කියයි (වීඩියෝ)

අඩුවන උපත් අනුපාතිකය විසඳීමට තවත් දරුවන් බිහි කරන ලෙස උතුරු කොරියානු නායක කිම් ජොං උන් එරට කාන්තාවන්ගෙන් ඉල්ලා සිටිනවා.

පසුගිය දා උතුරු කොරියාවේ අගනුවර වන පියොංයෑන්හි පැවති 05 වන ජාතික මව්වරුන්ගේ සමුළුවේ දී උතුරු කොරියානු නායකයා හඬාවැටීමෙන් මේ බව පවසා ඇති බවයි විදෙස් මාධ්‍ය වාර්තා කළේ.

එක්සත් ජාතීන්ගේ ජනගහන අරමුදල පවසන්නේ 2023 වන විට උතුරු කොරියාවේ සශ්‍රීකත්ව අනුපාතය එක් කාන්තාවකට උපත් 1.8 ක් වන අතර, එය සංවර්ධිත රටවල ප්‍රතිස්ථාපන අනුපාත මිණුම් ලකුණට වඩා 2.1ක් අඩු බවයි.

මිලියන 25 ක පමණ ජනගහනයක් සිටින උතුරු කොරියාව මෑත දශක කිහිපය තුළදී මාරාන්තික සාගතය ඇතුළු බරපතල ආහාර හිඟයකට මුහුණ දීමට සිදු වුණා.