හදිසි අසනීප තත්ත්වයක් හේතුවෙන් ෆ්රැන්සිස් පාප් වහන්සේ ඊයේ (14) රෝහල් ගත කෙරුණා.
වතිකානුව පැවසුවේ, ෆ්රැන්සිස් පාප් වහන්සේ රෝමයේ අගොස්ටිනෝ ජෙමෙලි රෝහල වෙත ඇතුළත් කළ බවයි.
මේ වනවිට 88 හැවිරිදි වියේ පසුවන ෆ්රැන්සිස් පාප් වහන්සේ බ්රොන්කයිටිස් රෝගය වැළඳීම හේතුවෙන් මෙලෙස රෝහල් ගතකර තිබෙනවා.
රෝහල ගත කළ උන්වහන්සේ විශේෂඥ පරීක්ෂණවලට භාජනය වී මේ වනවිට ඖෂධීය ප්රතිකාර ආරම්භ කර ඇති බවයි විදෙස් වාර්තා සඳහන් කරන්නේ.
“මූලික පරීක්ෂණවලින් ශ්වසන ආසාදනයක් පෙන්නුම් කරයි. ඔහුගේ සායනික තත්ත්වය ස්ථාවරයි, සුළු උණක් ඇත.” යනුවෙන් සිකුරාදා සවස ශුද්ධාසනයේ මාධ්ය කාර්යාලය නිවේදනයක් නිකුත් කරමින් සඳහන් කරනවා.
ඇති වූ මෙම හදිසි අසනීප තත්ත්වය හේතුවෙන් ෆ්රැන්සිස් පාප් වහන්සේ ඉදිරි දින කිහිපය දී සහභාගීවීමට තිබූ වැඩසටහන් කිහිපයක්ම අවලංගු කර ඇති බවයි වාර්තා වන්නේ.
ෆ්රැන්සිස් පාප් වහන්සේ වයස අවුරුදු 21 දී පෙනහළුවලින් එකක කොටසක් ඉවත් කිරීම ඇතුළුව ඔහුගේ ජීවිත කාලය පුරාම සෞඛ්ය ගැටලු රැසකට ඔහු මුහුණ දී තිබෙනවා.
