සුප්‍රසිද්ධ ක්‍රිකට් ශූරියක් දැඩි ගංවතුරක හිරවෙයි

ඉන්දීය කාන්තා ක්‍රිකට් කණ්ඩායමේ වමත් දඟ පන්දු යවන්නියක් වන රාධා යාදෙව් ගංවතුරකට හසු වී ඇය ඇතුළු පවුලේ සාමාජිකයින්ව ගලවා ගැනීමේ පිරිස් විසින් බේරාගනු ලැබුවා.

ඇය ජීවත් වන ගුජරාට් ප්‍රාන්තයේ එක් කොටසක් දැඩි වර්ෂාපතනයත් සමග ගංවතුර තත්ත්වයක් ඇති වී තිබෙන බවයි වාර්තා වන්නේ.

මෙම ගංවතුරින් පවුල් ගණනාවක් අවතැන් වී ඇති අතර; ඒ අතර ඉන්දීය දඟ පන්දු යවන්නිය ද සිටිනවා.

කෙසේවෙතත් ඇයව බේරා ගැනීම වෙනුවෙන් රාධා යාදෙව් විශේෂ ස්තුතියක් ඉන්දීය ආපදා කළමනාකරණ මධ්‍යස්ථානය වෙත පිරිනමා ඇති බවයි වාර්තා වන්නේ.

රාධා සිය ඉන්ස්ටර්ග්‍රෑම් ගිණුමෙහි සටහනක් තබමින් කියා ඇත්තේ;“අපි ඉතා නරක තත්ත්වයක සිර වී සිටියෙමු. අපව බේරා ගැනීම ගැන NDRF වෙත බොහෝම ස්තුතියි…” යනුවෙන්.