සිම්බාබ්වේ කණ්ඩායම සමඟ පැවැත්වෙන විස්සයි විස්ස තරගාවලියේ පළමු තරග දෙක සඳහා එක්වන ඉන්දීය සංචිතය නම්කර තිබෙනවා.
නවකයින් රැසකගෙන් සමන්විත මෙම සංචිතයට ක්‍රීඩකයින් 15 දෙනෙක් ඇතුළත්.
මෙම සංචිතයේ නායකත්වය ශුබ්මන් ගිල්ට හිමිව ඇති අතර, මෙවර අයි.පී.එල් තරගාවලියේ දස්කම් දැක් වූ ක්‍රීඩකයින් මෙම සංචිතයට එක්කර තිබීම විශේෂත්වයක්.
මේ අතර ශුබ්මන් ගිල් සහ අවේශ් ඛාන් හැරුණු විට නිමා වූ 20-20 ලෝක කුසලාන තරගාවලියේ දී ඉන්දීය සංචිතයේ සිටි කිසිඳු ක්‍රීඩකයෙක් මෙම සංචිතය එක්කර නොතිබීම ද විශේෂත්යක්.
සිම්බාබ්වේ කණ්ඩායම සමඟ තරග පහකින් සමන්විත විස්සයි විස්ස තරගාවලිය ලබන 06 වනදා හරාරේ හිදී ආරම්භ වනවා.
තරගාවලියේ පළමු තරග දෙකට නම්කළ ඉන්දීය සංචිතය පහතින්.
ශුබ්මන් ගිල් (නායක), රුතුරාජ් ගයික්වාඩ්, අභිෂේක් ෂර්මා, රින්කු සිං, ධෘව් ජුරල්, රියන් පරාග්, වොෂින්ටන් සුන්දර්, රවී බිෂ්නෝයි, අවේශ් ඛාන්, ඛලීල් අහමඩ්, මුකේෂ් කුමාර්, තුෂාර් දේශපාන්ඩේ, සායි සුදර්ශන්, ජිතේෂ් ෂර්මා, හර්ෂිත් රානා
