සෑම මවක්, සහෝදරියක් සහ දියණියකටම සුරක්ෂිත භාවය පිළිබඳව විශ්වාසය ඇති රාජ්යක් බවට මෙම රට පරිවර්තනය කරන බව ජනාධිපති අනුර කුමාර දිසානායක පවසනවා.
ජනාධිපති අනුර කුමාර දිසානායක මේ බව සඳහන් කළේ, අදට යෙදී තිබෙන ජාත්යන්තර කාන්තා දින සැමරුම වෙනුවෙන් මෙරට සංවිධානය කර තිබූ ජාතික වැඩසටහනට අද (08) එක්වෙමින්.
කාන්තාවන්ගේ ආරක්ෂණ වැඩ පිළිවෙල පිළිබඳව වැඩි අවදානයක් යොමුකළ යුතු බව සඳහන් කළ ජනාධිපතිවරයා, ඒ සඳහා පවතින නීති ප්රමාණවත් නොමැතිනම් නව නීති සම්පාදනය කර හෝ මෙරට දැරියන් ආරක්ෂා කිරීම සඳහා ගත හැකි සෑම පියවරක්ම ගන්නා බවයි පැවසුවේ.
ඇතැම් සංස්කෘතීවල පවතින යම් යම් සාධක සහ සාම්ප්රදායන් විසින් යම් යම් කාන්තා කොටස් පීඩාවට ලක්කර ඇති බව සඳහන් කළ ජනාධිපතිවරයා, එවැනි සංස්කෘතීන සහ සාම්ප්රදායන් තුළින් කාන්තාවන් ලක්කර ඇති පීඩාව නිදහස් කරගැනීමේ නව නීති සම්පාදනය පිළිබඳවත් අවධානය යොමුව ඇති බව ද ජනාධිපතිවරයා මෙහිදී අවධාරණය කළා.
