ස්පාඤ්ඤයට බලපෑ දරුණුතම ගංවතුරින් අතුරුදන් වූවන් සොයා තවදුරටත් මෙහෙයුම් ක්රියාත්මක බව විදෙස් මාධ්ය වාර්තා කරනවා.
එම ව්යසනයෙන් පුද්ගලයින් 217 දෙනෙකු ජීවිතක්ෂයට පත් වුණා.
ස්පාඤ්ඤයේ නැගෙනහිර වැලෙන්සියා ප්රාන්තයට බලපෑ දැවැන්තම සහ දරුණුතම ව්යසනය මෙය වන බවත් ඉන් වූ ජීවිත හා දේපොළ හානිය අතිමහත් බවයි විදෙස් මාධ්ය උපුටනයන් පෙන්වාදෙන්නේ.
එරට ජාතික කාලගුණ සේවා AEMET විසින් Valencia හි හදිසි තත්ත්වය අවසන් කරන බව අද (04) දිනයේ දී නිවේදනයක් කළ ද, තවමත් ධාරාණිපාත වර්ෂාව හේතුවෙන් ඊසාන දිග කැටලෝනියා කලාපයේ ඉහළ කොටසට නිකුත් කර ඇත්තේ රතු නිවේදනයක්.
කැටලන් දුම්රිය සේවය ද නැවත දැනුම්දෙන තුරු අත්හිටුවා තිබෙනවා.
අමාත්ය ඔස්කාර් පුවෙන්ටේ X හි නිවේදනය කළේ, ගුවන් ගමන් ප්රමාද වී ඇති බවත් බාසිලෝනා හි එල් ප්රට් ගුවන් තොටුපළේ දී ඇතැම් ගුවන් යානා නැවත හරවා යවන ලද බවයි.
සොල්දාදුවන්, පොලිස් නිලධාරීන්, සිවිල් ආරක්ෂකයින් සහ ගිනි නිවන භටයන් දහස් ගණනක් හයවන දිනටත් අතුරුදන් වූවන් සොයා මෙහෙයුම් ක්රියාත්මක කර ඇති අතර අවතැන් වූවන් හට ආධාර බෙදාදීමේ කටයුතු ද සිදු කරන බවත් වාර්තා වනවා.
