මාන්කුලම, චෛත්යකුලම් ප්රදේශයේ දී සුනඛයෙක් එල්ලා මරා දැමීමේ සිද්ධිය සම්බන්ධයෙන් සැකපිට අත්අඩංගුවට ගැනුණු කාන්තාව රක්ෂිත බන්ධනාගාර ගතකර තිබෙනවා.
ඒ, සැකකාර කාන්තාව අද (27) දිනයේ මාන්කුලම මහේස්ත්රාත් අධිකරණය හමුවට ඉදිරිපත් කිරීමෙන් අනතුරුව පෙබරවාරි මස 03 වනදා දක්වා රක්ෂිත බන්ධනාගාර ගත කිරීමටයි නියෝග කර ඇත්තේ.
මෙලෙස රක්ෂිත බන්ධනාගාර ගතකර ඇත්තේ චෛත්යකුලම් ප්රදේශයේ පදිංචි 48 හැවිරිදි කාන්තාවක්.
මුලතිව් දිස්ත්රික්කයේ මාන්කුලම සමථ මණ්ඩලයක් විසින් එම සුනඛයා එල්ලා මරා දැමීමට ලබාදුන් තීන්දුවකට අනුව එම සුනඛයා ඝාතනය කර ඇති බවයි අනාවරණය වුණේ.
සුනඛක් විසින් එළුවෙකු සපා කෑමේ සිද්ධියක් සම්බන්ධයෙන් දෙපාර්ශවයක් අතර ඇති වූ ආරවුල පිළිබඳ පැමිණිල්ලක් මාන්කුලම සමථ මණ්ඩලයක් තුළ විභාගයට ගත් අවස්ථාවේ එම සුනඛයා එල්ලා මරණ ලෙසටයි තීන්දුව ලබා දී ඇත්තේ.
එම තීන්දුවෙන් පසු සුනඛයා හිමි පාර්ශවය විසින් එම සතවයා එළුවන් හිමි පාර්ශවයට ලබාදී ඇති අතර, අනතුරුව එළුවන් හිමි පාර්ශවයෙන් කාන්තාවක් සුනඛයාගේ ගෙල සිරවෙන ලෙස ගසක එල්ලා මරා දමා ඇති බවටයි තොරතුරු වාර්තා වුණේ.
එම සිද්ධිය සම්බන්ධයෙන් විමර්ශනයක් සිදුකළ මාන්කුලම පොලිසිය සැකකාර කාන්තාව අද (27) අලුයම අත්අඩංගුවට ගෙන මෙලෙස අධිකරණය හමුවට ඉදිරිපත් කෙරුණා.
