පසුගිය සැප්තැම්බර් මස 15 වනදා පැවති පහ ශ්‍රේණිය ශිෂ්‍යත්ව විභාගයගේ ප්‍රශ්න කිහිපයක් විභාගයට පෙර පිටවීමේ සිද්ධිය සම්බන්ධව පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව අද (05) මාධ්‍ය වෙත අදහස් දක්වා සිටියා.
එහිදී මාධ්‍ය ප්‍රකාශකවරයා පැවසුවේ මෙම සිද්ධියට සම්බන්ධයෙන් අත්අඩංගුවට ගෙන සිටින සැකකරුවන් දෙදෙනා ප්‍රශ්න පත්‍රයේ ප්‍රශ්න 06ක් පිටකර ඇති බවට අනාවරණය වී ඇති බවයි.
ප්‍රශ්න පිට කිරීමේ සිද්ධියට අත්අඩංගුවට ගෙන සිටින මහරගම ජාතික අධ්‍යාපන ආයතනයේ සැලසුම් සහ මෙහෙයුම් අධ්‍යක්ෂවරයා ප්‍රශ්න පත්‍රයේ 05,13 සහ 27 යන ප්‍රශ්න පිටකර ඇති බවයි පොලිස් මාධ්‍ය ප්‍රකාශකවරයා සඳහන් කළේ.
ඊට අමතරව මෙම සිද්ධියට අත්අඩංගුවට ගෙන සිටින අලව්ව ප්‍රදේශයේ පදිංචි ගුරුවරයා ප්‍රශ්න පත්‍රයේ 02,05 සහ 06 යන ප්‍රශ්න විභාගයට පෙර පිටකර ඇති බවට අනාවරණය වී ඇති බවයි පොලිස් මාධ්‍ය ප්‍රකාශකවරයා වැඩිදුරටත් පැවසුවේ.
