ශ්‍රී ලංකා තරග සංචාරයට තවත් දින කිහිපයක් ඉතිරිව තිබිය දී මෙම තරගාවලිය වෙනුවෙන් ඕස්ට්‍රේලියානු ටෙස්ට් කණ්ඩායමේ නායකත්වයට පත් කළ ස්ටීවන් ස්මිත් ආබායකට ලක්ව තිබෙනවා.
BBL තරගාවලිය අතරතුර ඔහු වැලමිට ආබාධයකට ලක්ව ඇති බවයි ක්‍රීඩා මාධ්‍ය වාර්තා කළේ.
මේ හේතුවෙන් ඔහු ඕස්ට්‍රේලියානු කණ්ඩායම ඩුබායි හිදී සහභාගී වන විශේෂ පුහුණු කඳවුරට යාමද ප්‍රමාද කර ඇති බවට තොරතුරු වාර්තා වනවා.
කෙසේ වෙතත් ඔහු එළඹෙන සතියේ දී ඩුබායි බලා පිටත්ව යෑමට නියමිත බවයි තොරතුරු වාර්තා වුණේ.
පැට් කමින්ස් පීතෘ නිවාඩු මත සිටින බැවින් ශ්‍රී ලංකාව සමඟ තරග දෙකකින් සමන්විත ටෙස්ට් තරගාවලිය මෙහෙයවීමේ වගකීම ස්ටීවන් ස්මිත් වෙත පවරා තිබෙනවා.
මෙම ආබාධය මත යම් හෙයකින් ඔහුට පළමු තරගය සඳහා ක්‍රීඩා කිරීමේ අවස්ථාව නොලැබී ගියහොත් ඕස්ට්‍රේලියානු කණ්ඩායමට නායකත්වයදීම ට්‍රැවිස් හෙඩ් වෙත පැවරෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
