ජාත්යන්තර මූල්ය අරමුදල සහ ශ්රී ලංකාවේ ණය හිමියන් අතර තවත් තීරණාත්මක සාකච්ඡාවක් එළැඹෙන නොවැම්බර් 03 වනදා පැවැත්වීමට නියමිතයි.
එහිදී ශ්රී ලංකාවේ ණය ප්රතිව්යුහගත කිරීම සම්බන්ධයෙන් දීර්ඝ වශයෙන් සාකච්ඡා කිරීමට නියමිත බවයි ජනාධිපති මාධ්ය අංශය සඳහන් කළේ.
ජනාධිපති කාර්ය මණ්ඩල ප්රධානී සාගල රත්නායක සහ ජාත්යන්තර මූල්ය අරමුදලේ ශ්රී ලංකාව සඳහා පත්ව සිටින නව නේවාසික නියෝජිත සර්වත් ජහාන්, තම සේවා කාලය අවසන් කර ශ්රී ලංකාවෙන් පිටත්ව යන ජාත්යන්තර මූල්ය අරමුදලේ නේවාසික නියෝජිත ටුබගස් ෆෙරිධනුසෙට්යාවන් යන ය අතර හමුවක් ඊයේ (27) ජනාධිපති කාර්යාලයේ දී පැවැත් වූ අතර
එම හමුවේදී මේ බව සඳහන් කර තිබෙනවා.
ණය ප්රතිව්යුහගත කිරීමේ පූර්ව ක්රියාමාර්ග පිළිබඳ මෙන්ම ණය හිමියන්ගේ සමුළුව පිළිබඳ ද මෙහිදී විශේෂ අවධානයක් යොමුව ඇති බව සඳහන්.
මෙම සාකච්ඡාවේ දී අවධානය යොමු කළ කරුණු පිළිබඳ ජනාධිපති රනිල් වික්රමසිංහ දැනුවත් කර ජනාධිපතිවරයාගේ ප්රතිචාරය කඩිනමින් දැනුම්දීමට අපේක්ෂා කරන බව ජනාධිපති කාර්ය මණ්ඩල ප්රධානී සාගල රත්නයක ජාත්යන්තර මූල්ය අරමුදලේ නියෝජිතයින්ට දැනුම් දී තිබෙනවා.
