අග්‍රාමාත්‍ය මහින්ද රාජපක්ෂ අද (08) පෙරවරුවේ ශ්‍රී මහා බෝධීන් වහන්සේ වැඳ ආශිර්වාද ලබා ගැනීමට අනුරාධපුරයට පැමිණියා.
ශ්‍රී මහා බෝධීන් වහන්සේ වැඳ අශීර්වාද ලබාගත් අගමැතිවරයා අනතුරුව රුවන්වැලි මහා සෑය අභියස ආගමිකා වතාවත්වල නිරත වුණා.
කෙසේ වෙතත් ශ්‍රී මහා බෝධීන් වහන්සේගේ ආශිර්වාද ලබා ගැනීමට පැමිණි අග්‍රාමාත්‍යවරයාට එහි සිටි ජනතාවගෙන් හිමිවුණේ එතරම් යහපත් ප්‍රතිචාරයක් නොවන බවයි වාර්තා වුණේ.
එහි රැස්ව සිටි පිරිසෙන් පුද්ගලයෙකු පවසා ඇත්තේ මෙවැන්නක්, “සුබ මොහොතින් ඔබතුමා තීරණයක් අරන් අපේ රට බේරලා දෙන්නේ බුදු අප්පච්චි, ඔබගෙන් ඉල්ලන්නේ එච්චරයි රට බේරලා දෙන්න ඔබගෙන් සුබ පණිවුඩයක් බලාපොරොත්තු වනවා හෙට උදේම අපි, ඔබතුමා කරා තමයි දැන් ඇති.”
කෙසේ වෙතත් අග්‍රමාත්‍යවරයා එම ස්ථානයෙන් පිටව යන අවස්ථාවේ රැස්ව සිටි පිරිසක් විරෝධතා පුවරු අතැතිව අග්‍රාමාත්‍යයවරයාට විරෝධය දක්වා ඇති බවයි තොරතුරු වාර්තා වන්නේ.
එම පිරිසගේ හු හඬ මැද අග්‍රාමාත්‍යවරයා රැගත් වාහන පෙළ එම ස්ථානයෙන් පිටව ගිය බව සඳහන්.
