2019 පාස්කු ඉරිදා ත්රස්ත ප්රහාරයෙන් පසු ශ්රී ලංකා හමුදාවට පවරා ගත් මඩකලපුව පෞද්ගලික විශ්වවිද්යාලය එහි නීත්යානුකූල හිමිකරුවන්ට නිල වශයෙන් පවරා දී ඇති බව වාර්තා වනවා.
යුද හමුදාව විසින් මඩකලපුව මණ්ඩපය නිල වශයෙන් එම විශ්වවිද්යාලයේ නිර්මාතෘ හිටපු ආණ්ඩුකාර M.L.A.M හිස්බුල්ලා මහතා වෙත භාර දී ඇති බවයි සඳහන් වන්නේ.
හිටපු ආණ්ඩුකාරවරයා මාධ්ය වෙත අදහස් දක්වමින් ප්රකාශ කර ඇත්තේ හිටපු ජනාධිපතිවරයා කළ ඉල්ලීමකට අනුව ජනාධිපති රනිල් වික්රමසිංහ මහතාගේ නියෝගයකට අනුව මෙම විශ්වවිද්යාලය ලබාදී ඇති බවයි.
පසුගිය වසර හතරක කාලය තුළ විශ්වවිද්යාලය පාලනය කළේ හමුදාව විසින් බව ප්රකාශ කළ හිස්බුල්ලා පාස්කු ප්රහාරයට තමා සම්බන්ධයක් නොමැති බව පරීක්ෂණවලින් ඔප්පු වීමෙන් පසු එය ආපසු ලබා දුන් බව ප්රකාශ කර තිබෙනවා.
පාස්කු ප්රහාරයත් සමග, නැගෙනහිර පළාතේ අන්තවාදී පිරිස් සිදු කළ නොසන්සුන්කාරී තත්වය හමුවේ 2019 වර්ෂයේදී රජයට පවරා ගත් ෂරියා විශ්ව විද්යාලය කොරෝනා රෝගීන්ට ප්රතිකාර කිරීමේ මධ්යස්ථානයක් මෙන්ම,වෛද්ය ප්රතිකාර මධ්යස්ථානයක් ලෙස පවත්වාගෙන යනු ලැබුවා.
මහත් ආන්දෝලනයකට පතව තිබු ෂරියා විශ්වවිද්යාලය රුපියල් කෝටි 800 වැඩි මුදල් ප්රමාණයක් වැය කර අරාබියේ සිටින ව්යාපාරිකයකු විසින් නැගෙනහිර ආණ්ඩුකාර එම්. එල්. ඒ. එම් හිස්බුල්ලා මහතාට ලබාදුන් පරිත්යාගයක් බවට ප්රචලිත වී තිබෙනවා.
