ආරක්ෂිත ස්ටිකර් රහිත මත්පැන් බෝතල් ලක්ෂ 49ක් පමණ පසුගිය වකවානුවේ දී වෙළඳපොළට නිකුත් කිරීමත් සමඟ රජයට බදු ආදායම අහිමි වීමක් සිදුනොවූ බව මුදල් රාජ්‍ය අමාත්‍ය රංජිත් සියඹලාපිටිය පවසනවා.
රුවන්වැල්ල ප්‍රදේශයේ දී ඊයේ (23) මාධ්‍ය වෙත අදහස් දක්වමින් රාජ්‍ය අමාත්‍යවරයා මේ බව සඳහන් කළා.
ආරක්ෂිත ස්ටිකර් නොමැති මත්පැන් බෝතල් ලක්ෂ 49ක් වෙළඳපොළටනිතුක්වීම සම්බන්ධයෙන් ජාතික විගණන කාර්යාලය මඟින් නිකුත් කළ විගණන වාර්තාවේ කරුණු සඳහන්වීම සම්බන්ධයෙන් මාධ්‍යවේදීන් විමසා සිටි අවස්ථාවේ දී අමාත්‍යවරයා මේ බව පවසා සිටියා.
මේ අතර අඛණ්ඩව සිදුකරන වැටලීම් හේතුවෙන් වෙළඳපොළ තුළ ඇති ව්‍යාජ මත්පැන් බෝතල් විශාල වශයෙන් අවම වී ඇති බවයි ඔහු වැඩිදුරටත් සඳහන් කළේ.
එමෙන්ම වැටලීම්වලින් සොයාගත් 43,0000ක පමණ ව්‍යාජ මත්පැන් බෝතල් වලින් උපරිම දඩ මුදලක් නියම කිරීමට කටයුතු කළ බව ද අමාත්‍යවරයා පැවසුවා.
ඒ අනුව එලෙස දඩ නියම කිරීම මඟින් රුපියල් කෝටි පහකට ආසන්න මුදලක් සුරාබදු දෙපාර්තමේන්තුව විසින් උපයාගත් බව රාජ්‍ය අමාත්‍යවරයා සඳහන් කර සිටියා.
