මත්ද්රව්ය ජාවාරමෙන් උපයාගත් රුපියල් කෝටි 17කට අධික මූල්ය ප්රමාණයක හිමිකාරීත්වය දැරීමේ චෝදනාව මත ගම්පොළ විතානගේ සමන්ත කුමාර හෙවත් වෙලේ සුදා, ඔහුගේ බිරිඳ හා බිරිඳගේ ඥාති සහෝදරියකට එරෙහිව නීතිපතිවරයා විසින් පනවනු ලැබූ තීන්දුව ප්රකාශයට පත් කිරීමේ දිනය කල් තැබුණා.
අද (20) පෙරවරුවේ අදාළ නඩුව කැඳවූ අවස්ථාවේ දී අදාළ තීන්දුව ජනවාරි මස 15 වැනි දින ලබාදීමට නියමිත බවයි කොළඹ ප්රධාන මහාධිකරණ විනිසුරු ආදිත්ය පටබැඳිගේ මහතා ප්රකාශ කළේ.
එම තීන්දුව අද දිනයේ දී ප්රකාශයට පත් කිරීමට නියමිත ව තිබුණ ද තීන්දුව සූදානම් නොමැති බවටයි අධිකරණය දැනුම්දුන්නේ.
එබැවින් ජනවාරි මස 15 වැනි දින සමන්ත කුමාර නමැත්තාව අධිකරණයට ඉදිරිපත් කරන ලෙසට බන්ධනාගාර නිලධාරීන්ට නියෝග කෙරුණා.
විත්තිකාර සමන්ත කුමාර, ඔහුගේ බිරිඳ ගයනී ප්රියදර්ශනී හෙවත් සුජී හා ඇයගේ සොහොයුරිය හෙවත් නදී නමැත්තියට මෙලෙස චෝදනා එල්ල වී තිබුණා.
2010 ජනවාරි 01 වැනි දින හා 2012 පෙබරවාරි 25 කාලය අතරතුර මත්ද්රව්ය ජාවාරම්වලින් උපයාගත් මුදලින් සුඛෝපභෝගී වාහන, වටිනා භාණ්ඩ, නිවාස ආදිය අධිකරණ නියෝග මත රජයේ භාරයට ගෙන තිබෙනවා.
එම පැමිණිල්ලේ සාක්ෂි විමසා අවසන් වීමෙන් පසුව අද දිනයේ දී තීන්දුව ප්රකාශයට පත් කර තිබූ අතර; එය මෙලෙස කල් ගියා.
වෙලේ සුදා නමැත්තා හට මහාධිකරණය මගින් මරණ දණ්ඩනීය නියම කර මේ වනවිට රක්ෂිත බන්ධනාගාරය භාරයේ පසුවනවා.
