වී නිෂ්පාදනය වැඩි කිරීමේ කටයුතු වෙනුවෙන් 2024 අයවැයෙන් රුපියල් මිලියන 2500ක් වෙන් කර තිබෙනවා.
එහිදී මිරිදිය ධීවර කර්මාන්තය සංවර්ධනය කිරීම සඳහා රුපියල් මිලියන 200ක් වෙන් කර ඇති බවයි වාර්තා වන්නේ.
කිරි ගොවි නිෂ්පාදනය ලාබ ලබන තත්ත්වයට ගෙන එම සඳහා ප්රතිමූල්ය ණය යෝජනා ක්රමයක් ද යෝජනා වුණා.
දෛනික කිරි නිෂ්පාදනය දිනකට ලීටර් මිලියන 20ක් බවට පත් කිරීම රජයේ අරමුණ බවයි ජනාධිපතිවරයා පැවසුවේ.
මහා පරිමාණයේ කෘෂිකාර්මික කටයුතු සඳහා අක්කර ලක්ෂ තුනක් වෙන් කරන බව ද සඳහන්.
සංචාරකයන්ට දේශීය හා ආයුර්වේද සත්කාර ලබාදීමට හෝටල්වල දේශීය ආයුර්වේද සත්කාර මධ්යස්ථාන පිහිටුවීමට රුපියල් මිලියන 100ක මුදලක් ද, ඖෂධ ප්රසම්පාදනය සඳහා මාර්ගෝපදේශ සැකසීම සඳහා වෙන ම ආයතනයක් පිහිටුවීමටත් යෝජනා වී තිබෙනවා.
බදුල්ලට හෘද සහ පෙනහළු පුනර්ජීවන ඒකකයක් ලබාදීමට යෝජනවක් ඉදිරිපත් වූ අතර; ඒ සඳහා වෙන්කරන මුදල රුපියල් මිලියන 300ක්.
වෛද්ය පර්යේෂණ සෙසු රටවල මට්ටමට ගෙන ඒම සඳහා කටයුතු කරන අතර, එහි මුල් අදියර සඳහා රුපියල් මිලියන 75ක් වෙන් කෙරෙනු ඇති.
