වැලිගම ප්රාදේශීය සභා සභාපති ලසන්ත වික්රමසේකර ඝාතනය රුපියල් මිලියන 02ක කොන්ත්රාත්තුවකට සිදුකරන ලද්දක් බවට විමර්ශනවල දී අනාවරණය වී තිබෙනවා.
මහරගම, නාවින්න ප්රදේශයේ දී ඊයේ (26) පස්වරුවේ අත්අඩංගුවට ගැනුණු ඝාතනය සිද්ධියේ වෙඩික්කරුගෙන් සිදුකළ ප්රශ්න කිරීම්වලදීයි මේ බව හෙළිව ඇත්තේ.
අත්අඩංගුවට ගැනුණු මෙම ප්රධාන සැකකරු පැය 72 ක් රඳවා තබාගෙන ප්රශ්න කිරීමට නියමිත බවයි වාර්තා වුණේ.
පොලිස් විශේෂ කාර්ය බලකාය, රාජ්ය බුද්ධි සේවය සහ ප්රාදේශීය පොලිස් ඒකක සම්බන්ධ වූ සම්බන්ධීකරණ මෙහෙයුමක කොටසක් ලෙස මෙම සැකකරු ඊයේ (26) පස්වරුවේ අත්අඩංගුවට ගනු ලැබුවා.
වැලිගම ප්රාදේශීය සභාවේ සභාපතිවරයා ඝාතනය කළ සිද්ධියට අදාළව මේ වනවිය එක් සැකකාරියක් සහ සැකකරුවන් හයදෙනෙක් අත්අඩංගුවට ගෙන තිබෙනවා.
මෙම සැකකරුවන් ගාල්ල, කැකිරාව සහ වැලිගම යන ප්රදේශවල පුද්ගලයින් බවයි පොලිසිය සඳහන් කළේ.
අත්අඩංගුවට ගත් අය අතර වෙඩික්කරුගේ බිරිඳ සහ වෙඩික්කරුට පළා යාමට සහාය දුන් බව කියන යතුරුපැදිකරු ද වනවා.
ඊයේ (26) අලුයම අනුරාධපුර, කැකිරාව ප්රදේශයේ දී වෙඩික්කරුගේ බිරිඳ සහ තවත් සැකකරුවන් දෙදෙනෙක් මූල්ය අපරාධ විමර්ශන අංශය විසින් අත්අඩංගුවට ගත් අතර, එම අත්අඩංගුවට ගැනීමේ දී වෙඩික්කරු පළාගොස් තිබුණා.
පළා ගිය වෙඩික්කරු ඊයේ දිනම මහරගම නාවින්න ප්රදේශයේ දී අල්ලා ගැනීමටයි සමත් වුණේ.
පසුගිය ක්තෝබර් 22 වනදා වැලිගම ප්රාදේශීය සභාව තුළ දී සභාපති ලසන්ත වික්රමසේකර වෙඩි තබා ඝාතනය කෙරුණා.
මෙම අපරාධය සම්බන්ධ විමර්ශනය පොලිස්පතිවරයාගේ සෘජු අධීක්ෂණය යටතේ විශේෂිත පොලිස් කණ්ඩායම් කිහිපයක් ඔස්සේ සිදුකරනු ලබනවා.
