මෙම වසර අවසන් වීමට පෙර ජනාධිපතිවරණයක් පැවැත්විය යුතු බව මැතිවරණ කොමිෂන් සභාවේ කොමසාරිස් ජනරාල් සමන් ශ්රී රත්නායක පවසනවා.
දසත ප්රවෘත්ති අප කළ විමසීමක දී ඒ මහතා කියා සිටියේ කෙසේ හෝ මෙම වසර නිමා වීමට පෙර ජනාධිපතිවරණයක් පැවැත්වීම අනිවාර්යය බවයි.
7 වැනි විධායක ජනාධිපති ගෝඨාභය රාජපක්ෂ සිය ධුරයෙන් 2022 වර්ෂයේ ජුනි මස 16 වැනි දින ඉල්ලා අස්වුණා.
ඒ ඔහුට විරුද්ධ ව රට පුරා නැගි සිවිල් ජන අරගල හේතුවෙන්.
ඉන් පසුව ඔහුගේ ධුර කාලය අවසන් කරලීම සඳහා වැඩ බලන ජනාධිපතිවරයෙක් වශයෙන් සාමූහික වගකීම් ප්රතිපත්තිය යටතේ එක්සත් ජාතික පක්ෂය නියෝජනය කරමින් රනිල් වික්රමසිංහ පත්වුණා.
පසුව නිල වශයෙන් පාර්ලිමේන්තුව මගින් හෙතෙම මෙරට 8 වැනි විධායක ජනාධිපතිවරයා වශයෙන් පිළිගත්තේ ගෝඨාභය රාජපක්ෂගෙන් හිස් වූ ඉතිරි ධුර කාලය සඳහා රටේ නායකත්වය ගෙන කටයුතු කිරීමටයි.
ඒ අනුව 2020 වර්ෂයේ නොවැම්බර් මාසයේ දී මෙරට 69 ලක්ෂයක ජනතා මනාපයෙන් තේරී පත් වූ හිටපු ජනාධිපති ගෝඨාභය රාජපක්ෂගේ ධුර කාලය මෙම වසරේ නොවැම්බර් මස 10 වැනි දිනෙන් අවසන් වීමට පෙර නව ජනාධිපතිවරයෙකු තෝරා ගැනීම සඳහා ප්රජාතන්ත්රවාදී රාමුව තුළ ජනාධිපතිවරණයක් පැවැත්වීම අනිවාර්යය වනු ඇති.
