පූඩළුඔය පොලිස් වසමට අයත් ඩන්සින්න වතුකරයේ මැද කොටස තුළ අද (25) පෙරවරුවේ හටගත් ගින්නකින් නිවාස 04ක් විනාශ වී තිබෙනවා.
පෙරවරු 11.00ට පමණ එක් නිවාසයකින් ඇති වූ මෙම ගින්න සුළු මොහොතක් තුළ අනෙක් නිවාසවලටද පැතිර ගිය බවයි වාර්තා වන්නේ.
වතු කම්කරුවන් එක්ව නිවාසයන්හි සෙවිලි තහඩු සහ වහළ ගලවා ගින්න පාලනය කර ඇති අතර, ගින්නෙන් කිසිවෙකුටත් තුවාල සිදු වී නැහැ.
ගිනි ගෙන විනාශ වූ නිවෙස්හි පදිංචි වතු කම්කරු ප්රජාවේ 30 දෙනෙක් පමණ ආරක්ෂිත ස්ථාන කරා යොමුකර ඇති අතර විදුලි කාන්දුවක් නිසා ගින්න හට ගන්නට ඇති බව පොලීසිය පවසනවා.
සිද්ධිය සම්බන්ධයෙන් පූඩළුඔය පොලීසිය වැඩිදුර විමර්ශනය කටයුතු සිදු කරමින් පවතිනවා.
ඔබේ ප්රතිචාරය කුමක්ද ?
+1
+1
+1
+1
+1
+1
+1
1
