ලෝක ටෙස්ට් ශූරතා තරගාවලියේ ශ්‍රී ලංකාව ප්‍රසාද ලකුණු සටහනේ තවත් ඉදිරියට

2023-2025 ලෝක ටෙස්ට් ශූරතාවයේ ශ්‍රී ලංකා කණ්ඩායම ප්‍රසාද ලකුණු සටහනේ මඳක් ඉදිරියට පැමිණ තිබෙනවා.

ඒ අද (09) ‘ද ඕවල්’ හි දී කඩුලු 08ක විශිෂ්ට ජයකින් එංගලන්තය පරදා ශ්‍රී ලංකා කණ්ඩායම තුන්වැනි සහ අවසන් ටෙස්ට් තරගයේ ජය තමන් සතු කරගැනීමත් සමගයි.

එම තරග ජයත් සමග ශ්‍රී ලංකා කණ්ඩායමට ප්‍රසාද ලකුණු සටහනේ පස්වැනි තැන හිමි ව තිබෙනවා.

ඒ ශ්‍රී ලංකා කණ්ඩායම සහභාගී වූ ටෙස්ට් තරග 07න් තුනක් ජයගනිමින් ලකුණු 36ක් ලබා ගැනීමත් සමගයි.

මෙම සටහනේ පෙරමුණ ගෙන සිටින්නේ ඉන්දියාව වන අතර දෙවැනි තැන ඔස්ට්‍රෙලියාවටත්, නවසීලන්තයට තෙවැනි තැන සහ බංග්ලාදේශයට සිව්වැනි ස්ථානයත් හිමිව තිබෙනවා.