20-20 ලෝක කුසලාන තරගාවලියේ ශ්රී ලංකාවේ ඉදිරි ගමන තීරණය වන තීරණාත්මක තරගයක් අද (10) පැවැත්වෙනවා.
බංග්ලාදේශය සහ දකුණු අප්රිකාව අතර මෙම තරගය පැවැත්වෙන්නේ නිව්යෝර්ක් හි නසාවූ ක්රිකට් ක්රීඩාංගණයේ දීයි.
මෙම කණ්ඩායම් දෙක තරගාවලියේ ‘ඩී’ කාණ්ඩයෙන් තරග වදින අතර, දකුණු අප්රිකාව තමන් සහභාගී වූ පළමු තරග දෙකම ජයගෙන එහි ප්රසාද ලකුණු සටහනේ මුල් ස්ථානයේ රැඳී සිටිනවා.
බංග්ලාදේශය තවමත් තරගාවලියේ සහභාගී වී ඇත්තේ එක් තරගයකට පමණක් වන අතර, ශ්රී ලංකාව සමඟ පැවති එම තරගය ජයගැනීමට ඔවුන් සමත් වුණා.
මේ අතර අද පැවැත්වෙන තරගයේ ජය ශ්රී ලංකා කණ්ඩායමේ සුපිරි 08 වටයට යන ගමනේ ඉදිරිය තීරණය වනවා.
අද තරගය දකුණු අප්රිකාව ජයගත හොත් සුපිරි 08 දෙනාගේ තරග වටයට යෑමට ශ්රී ලංකා කණ්ඩායමට බලාපොරොත්තු තබාගත හැකි අතර, බංග්ලාදේශය මෙම තරගයේ ජය හිමිකර ගතහොත් එම බලාපොරොත්තුව බොඳ වී යනවා.
මේ අතර ශ්රී ලංකා සමඟ පැවති තරගයෙන් පසු බංග්ලාදේශ ප්රධාන පුහුණුකරු චන්දික හතුරුසිංහ සඳහන් කළේ ලෝක කුසලානයේ ආරම්භක තරඟයේදී තම කණ්ඩායමේ පන්දු යැවීමේ අංශයේ සැලසුම්වල සහ තීරණ තීරණ ගත් ආකාරය ගැන සතුටට පත්වන බවයි.
